Përçarje në PS? Niko Peleshi: Ka diskutime, nuk jemi formacion ushtarak

Nga Maliqi, ku në cilësinë e drejtuesit politik për qarkun e Korçës, nisi sot turin e takimeve të quajtuar “Punët për Shqipërinë”, kryetari i Kuvendit Niko Peleshi komentoi edhe zërat për përplasje në Partinë Socialiste.

Peleshi e pranoi se në mbledhjet e mazhorancës socialiste ka pasur diskutime të shtuara, por i cilësoi si thashetheme, zërat për përçarje mes disa figurave kryesore, të nxitura edhe nga debati i djeshëm mes kryeministrit Edi Rama dhe ish-ministres së Jashtme, Elisa Spiropali.

"Nëse i referoheni thashethemeve, unë nuk mund të komentoj thashetheme pa substancë politike. Nuk di ç’do të thotë përçarje. Natyrisht ka diskutime. Orë të gjata diskutimi kemi pasur dje dhe kjo besoj është e shëndetshme. Natyrisht që s’mund të quhet përçarje diskutimi. Ne nuk jemi një formacion ushtarak pa mendime dhe pa frymë diskutimi dhe pa demokraci të brendshme, por mendoj që ju i referoheni disa thashethemeve të cilat s’kanë lidhje fare me substancën politike të zhvillimeve të brendshme të një partie politike. Këto janë thashetheme pa asnjë kontekst politik", deklaroi Peleshi.

Kujtojmë se në mbledhjen e Grupit Parlamentar të PS, zhvilluar dje në Pallatin e Brigadave, u raportua për momente tensioni mes kryeministrit Edi Rama dhe deputetes Elisa Spiropali.

Sipas burimeve nga mbledhja, situata u ndez gjatë raportimit të drejtoreshës së Kadastrës, Lorena Goxhobelli, ku Spiropali përdori telefonin dhe Rama i tërhoqi vëmendjen duke i kërkuar të respektonte folësit.

LEXO MË SHUMË

Politikë

“Thuaje çfarë ke për të thënë”, Rama kërcënon Spiropalin: Do të nxjerr përjashta

Burime nga mbledhja bëjnë me dije se ka pasur dy momente kur ish-ministrja Spiropali ka shkëmbyer biseda aspak të qeta me kryeministrin Edi Rama.

21:05 16 h më parë28.03.2026.

Autori

Politikë

Mungesa në votimin për Ballukun bëhet çështje në PS, Spiropali përplasje në distancë me Ballën

Disa orë pas deklaratës së Ballës, Spiropali përmes një postimi në rrjetet sociale i drejtohet kreut të grupit parlamentar, duke i kërkuar një mbledhje, me theksin tek rëndësia e konsultimit dhe vendimmarrjes së përbashkët.

19:27 4 ditë më parë24.03.2026.

Autori

Politikë

Shkarkimi nga detyra si ministre e Jashtme, Spiropali: Pozicionet janë kalimtare, Shqipëria më e rëndësishme se çdo rol

Një ditë pas shkarkimit nga detyra si ministre e Jashtme, Elisa Spiropali ka shprehur qëndrimin e saj për vendimin e marrë në mbledhjen e Grupit të PS, duke thënë se pozicionet janë kalimtare dhe se i rëndësishëm është rrugëtimi dhe gjurmët e lëna në ushtrimin e detyrës.

15:36 29 ditë më parë27.02.2026.

Autori

Incidenti u shtua më tej gjatë raportimit të ministres së Shtetit për Parlamentin, Erjona Ismaili, kur Spiropali u duk se po nënqeshte. Kryeministri i kërkoi asaj të mos ndërhynte dhe të mos bënte komente përndryshe do ta nxirrte përjashta.

Spiropali iu përgjigj Ramës me fjalët: “Thuaje çfarë ke për të thënë” dhe më pas kërkoi që ministrja Ismaili të kërkonte ndjesë për tonet e përdorura. Ndërhyrja e Erion Braçes qetësoi situatën dhe riktheu diskutimin në normalitet.

Tensionet në mesin e socialistëve janë vënë re edhe më herët gjatë kësaj javë, përfshirë një përplasje të Spiropalit me Taulant Ballën lidhur me mungesën e saj gjatë seancës për votimin e imunitetit të Belinda Ballukut.

Spiropali kishte kërkuar hapur një diskutim të plotë dhe vendimmarrje kolektive në grupin parlamentar, duke theksuar rëndësinë e respektimit të qëndrimeve të formuara përmes debatit të hapur.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)