Rama takohet në Vatikan me Papa Leonin e XIV

Gjatë vizitës së tij në Vatikan kryeministri Edi Rama është takuar edhe me Papa Leon XIV, ku ka qenë i shoqëruar nga bashkëshortja e tij Linda Rama dhe djali. 

“Në bisedimet e përzemërta u vu në dukje marrëdhënia e mirë ekzistuese ndërmjet Selisë së Shenjtë dhe Republikës së Shqipërisë dhe u trajtuan tema me interes të përbashkët që lidhen me marrëdhëniet ndërmjet bashkësisë kishtare dhe asaj civile”, njofton Zyra e Shtypit të Selisë së Shenjtë.

Mësohet se më pas u zhvillua një takim në Sekretarinë e Shtetit të Selisë së Shenjtë me kardinalin Pietro Parolin dhe imzot Paul Richard Gallagher.

LEXO MË SHUMË

Politikë

“O Zoja e Këshillit të Mirë mbroje Shqipërinë”, kryeministri Rama lutet në Vatikan

Kryeministri Rama ka mbajtur një lutje për Shqipërinë në Bazilikën e Zojës së Këshillit të Mirë në Vatikan, ku pritet që të zhvillojë dhe një takim me Papa Leonen.

08:41 51 ditë më parë05.02.2026.

Autori

Politikë

Kryeministri Rama vizitë zyrtare në Vatikan, do të pritet nga Papa Leoni XIV

Kryeministri Edi Rama është nisur ditën e sotme drejt Romës, ku do të pritet në një takim në Vatikan nga Papa Leoni XIV.

14:14 52 ditë më parë04.02.2026.

Autori

Më herët gjatë ditës Rama ndau në rrjetet sociale disa momente gjatë vizitës që ai është duke zhvilluar në Vatikan.

Në një video, kreu i qeverisë, së bashku me familjarët e tij shfaqet duke u lutur në bazilikën e Zojës së Këshillit të Mirë, Regina di Albania, me një mesazh për Shqipërinë.

“O Mari, Nënë e ëmbël e Këshillit të Mirë, kaq e dashur për bijtë e Shqipërisë në atdhe dhe jashtë atdheut!

Sot po vijmë tek ti, edhe një herë, të ta besojmë popullin tonë, familjet tona, rininë tonë. Ti që je Zojë e Shkodrës dhe e mbarë Shqipërisë, na udhëhiq në rrugën e së mirës, na jep dritë në dyshime dhe ngushëllim në provat e jetës. Nën mbrojtjen tënde kërkojmë strehë, o Virgjër e bekuar.

Mbroje Shqipërinë, ndriço mendjet tona dhe na bëj të jemi gjithmonë besnikë ndaj Birit tënd, Jezusit.

O Zoja e Këshillit të Mirë, lutu për ne”, ishte lutja e kryeministrit Rama.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)