Meta, kërkesë në GJKKO: Mos më fusni në kafaz xhami gjatë seancave, poshtëruese

Ish-presidenti i Shqipërisë, Ilir Meta, i cili ndodhet në paraburgim, ka bërë një kërkesë në GJKKO që të mos futet në kafaz xhami gjatë seancave gjyqësore.

Në kërkesën e tij, aktualisht kreu i Partisë së Lirisë, arsyeton se ky është një trajtim poshtërues e çnjerëzor.

Kjo kërkesë u depozitua këtë të mërkurë nga avokati i Metës, Kujtim Cakrani.

“Si e tillë, kjo praktikë duhet menjëherë të ndërrohet dhe i pandehuri duhet të trajtohet me dinjitet dhe sipas standardeve të procesit të rregullt ligjor. Derisa të merren masat që kjo shkelje e dinjitetit njerëzor vendosur me qëllim poshtërues të hiqet, ne nuk do të zhvillojmë seanca gjyqësore.

Besojmë dhe shpresojmë se do merren masa për rikthimin e normalitetit dhe gjykimi të vazhdojë sipas standardit të prezumimit të pafajësisë dhe dinjitetit njerëzor”, thuhet në kërkesë”, thuhet në kërkesë.

Një ditë më parë, një kërkesë të ngjashme e bëri edhe kreu i Bashkisë së Tiranës, Erion Veliaj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)