Plagosën me armë “Gucci-n” e Tik Tok, policia shpall në kërkim tre persona

Dy ditë pas plagosjes së ndodhur në qytetin e Durrësit, ku u qëllua me armë në drejtim Fabian Kuçit, i njohur si personazhi “Gucci” në rrjetin social “Tik Tok”, policia e Durrësit ka bërë me dije se ka identifikuar tre persona si autorë të kësaj ngjarje.

Policia sqaron se ngjarja ndodhi rreth orës 23:45 të së hënës, ku dy automjete i janë afruar lokalit në lagjen Nr.9 të qytetit bregdetar, ku qëndronte 33-vjeçari dhe kanë qëlluar drejt tij, me armë zjarri, duke i shkaktuar plagë të lehtë.

“Në vijim të informacionit të dhënë dje, mbi plagosjen me armë zjarri të shtetasit F. K., sqarojmë se si rezultat i veprimeve të thelluara hetimore, të kryera me qëllim zbardhjen e plotë të autorësisë dhe rrethanave të këtij rasti, u identifikuan dhe u shpallën në kërkim shtetasit: A.N., 38 vjeç, banues në Durrës, F. B., 22 vjeç, banues në Tiranë dhe B. Ç., 34 vjeç, banues në Durrës. Nga këto veprime dyshohet se këta 3 shtetas, rreth orës 23:45 të datës 15.12.2025, janë afruar me 2 automjete, te lokali në lagjen nr. 9, ku qëndronte shtetasi F. K., dhe kanë qëlluar drejt tij, me armë zjarri. Si pasojë, shtetasi F. K. është dëmtuar lehtë”, informon policia.

LEXO MË SHUMË

SHOWBIZ

Plagoset me armë zjarri në Durrës personazhi i njohur i rrjeteve sociale

Një personazh i njohur i rrjeteve sociale në Shqipëri është plagosur mbrëmjen e së hënës në Durrës, pas një konflikti që dyshohet të ketë lidhje me aktivitetin e tij në platformën TikTok.

11:33 102 ditë më parë16.12.2025.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)