Detaje nga arratisja e Altin Ndocit, goditi një nga policët në spital

Një arratisje spektakolare ka ndodhur nga spitali i Durrësit ditën e sotme, pasi i paraburgosuri Altin Ndoci, 34 vjeç, arriti të largohej, ndërsa ndodhej për trajtim mjekësor. Ndoci njihet si një nga emrat më të rrezikshëm të botës së krimit në Shqipëri dhe dyshohet të ketë marrë pjesë në një sërë ngjarjesh të rënda kriminale, përfshirë vrasjen e dy vëllezërve Haxhia, masakrën e Bradasheshit dhe disa ngjarje të tjera në Durrës.

Sipas raportimeve, Ndoci ishte shoqëruar nga Policia e Burgjeve nga paraburgimi i Durrësit drejt spitalit në një dhomë të posaçme për vizitat mjekësore, ku punonjësit e shoqërimit qëndronin jashtë dhomës për shkak të procedurave dhe precedentëve ligjorë. Pikërisht këtë moment ai e shfrytëzoi për t’u arratisur. Gjatë largimit, i dënuari dyshohet se ka goditur një nga efektivët dhe më pas është larguar nga dhoma e tij, e vendosur në katin e tretë të spitalit, duke ecur përgjatë itinerarit që të çon drejt varrezave të qytetit.

LEXO MË SHUMË

Kronikë

Arratisja e Ndocit nga spitali, reagon drejtoria e Burgjeve

Drejtoria e Burgjeve ka reaguar për arratisjen e të burgosurit Altin Ndoci nga spitali i Durrësit.

14:17 74 ditë më parë13.01.2026.

Autori

Kronikë

I akuzuar për vrasjen e 4 personave, Altin Ndoci arratiset nga spitali infektiv

Altin Ndoci, i akuzuar për vrasjen e 4 personave dhe i arrestuar nga SPAK, është arratisur nga spitali infektiv i Durrësit këtë të martë.

13:36 74 ditë më parë13.01.2026.

Autori

Policia ka reaguar menjëherë, duke ngritur postblloqe në Durrës dhe duke vëzhguar të gjitha kamerat e sigurisë, si brenda spitalit, ashtu edhe përgjatë rrugëve kryesore. Hetimet janë në vijim për të përcaktuar nëse arratisja ishte planifikuar më parë dhe nëse ka persona të tjerë të përfshirë. Ndoci aktualisht po gjykohet në Gjykatën e Posaçme Kundër Krimit të Organizuar dhe Korrupsionit, bazuar në dëshmitë e bashkëpunëtorëve të drejtësisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)