“Kërcënime nga disa të fortë”, SPAK në Këshillin e Mandateve: Balluku i ka kërkuar dëshmitarëve të ndryshojnë dëshmitë

Zbardhen detaje nga mbledhja e Këshillit të Mandateve, ku në praninë e prokurorëve të SPAK po diskutohet rreth imunitetit të zv.kryeministres Belinda Balluku. Nëse vendoset për heqjen e imunitetit, atëherë do ti hapej rrugë përmbushjes së kërkesës për arrestimin e saj.

Struktura e Posaçme Kundër Korrupsionit dhe Krimit të Organizuar ka konfirmuar në Këshillin e Mandateve se ka fakte të reja penale për Ballukun. Sipas SPAK, duke qëndruar në detyrë, ekziston rreziku që zv.kryeministrja të prishë provat dhe gjithashtu të kryejë të tjera krime.

Bazuar në deklaratat e prokurorëve, dy dëshmitarë janë intimiduar më datë 20 nëntor 2025. Atyre u është kërkuar që të ndryshojnë dëshmitë. Për më tepër, në mbledhje SPAK ka paraqitur provat me bisedat e transkriptuara se dëshmitarët janë kërcënuar nga persona “të fortë”, në emër të Belinda Ballukut. Nuk është konfirmuar nëse termi “të fortë” i referohet personave me pushtet apo elementëve të krimit të organizuar.

Foto: LSA

Gjatë debateve ka ndërhyrë edhe Gazment Bardhi. Kreu i grupit parlamentar të Partisë Demokratike i pyeti prokurorët e SPAK nëse kërkesa për arrestimin e zonjës Balluku është e bazuar në motive politike. Prokurorët e mohuan motivin politik, duke e vendosur theksin se çështja është e bazuar në prova. Edhe avokatët e zv.kryeministres e pranuan se “nuk kanë indicie për motivime politike”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)