Mijëra rrënjë kanabis në banesën në pronësi të tij, drejtori i burgut të Rrogozhinës dorëzohet në polici

Zbulimi i një sere të sofistikuar kanabisi në një magazinë në fshatin Kurtaj ka çuar në zhvillime të reja në hetim, duke përfshirë edhe dorëzimin në polici të drejtorit të IEVP Rrogozhinë, Bilal Hasa.

Sipas burimeve, Hasa është paraqitur vetë në polici pas shpalljes në kërkim, duke mohuar çdo lidhje me aktivitetin e paligjshëm të zbuluar në pronën e tij. Ai ka deklaruar se prej disa muajsh nuk kishte shkuar në objekt dhe se nuk kishte dijeni për kultivimin e bimëve narkotike.

LEXO MË SHUMË

Kronikë

Prona në emër të drejtorit të burgut të Rrogozhinës ishte kthyer në “shtëpi bari”

Brenda banesës në Peqin janë sekuestruar rreth 4 mijë rrënjë kanabisi, Bilal Hasa pezullohet nga detyra dhe shpallet në kërkim.

17:13 9 ditë më parë19.03.2026.

Autori

Operacioni policor i koduar “Kurtaj” zbuloi në bodrumin e një magazine dy ambiente të përshtatura për kultivimin e kanabisit në kushte të kontrolluara, ku u gjetën rreth 4000 bimë. Në vendngjarje u sekuestruan gjithashtu llamba, neonë dhe pajisje të tjera elektrike, që dyshohet se përdoreshin për këtë veprimtari.

Burime policore bëjnë me dije se po hetohet edhe pista e një lidhjeje të paligjshme të energjisë elektrike, e cila mund të jetë kryer nga vëllai i Hasës, banor i zonës.

Në kuadër të hetimeve është shpallur në kërkim edhe një punonjës i OSHEE-së në zonën e Peqinit, i dyshuar për “shpërdorim detyre”.

Hetimet vijojnë për të zbardhur plotësisht skemën dhe për të identifikuar të gjithë personat e përfshirë në këtë aktivitet të paligjshëm.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)