PD dhe Berisha nisin "Foltoren" poshtë zyrës së Ramës, ju bashkohen edhe Salianji e Alimehmeti

Foltorja e katërt e Partisë Demokratike, që pas marrjes nën hetim nga SPAK të zv/kryeministres Belinda Balluku, ka nisur përpara Kryeministrisë.

Ashtu si edhe në tre tubimet e mëparshme të të njëjtit format vetëm dhjetëra mbështetës i janë përgjigjur ftesës së PD dhe Sali Berishës për të protestuar poshtë zyrës së kryeministrit Edi Rama, të cilin e akuzojnë si “kokën” e aferave korruptive për të cilat SPAK po heton vartësit e tij.

Por ajo çka ra në sy në këtë tubim të radhës është prezenca e ish-deputetit Ervin Salianji dhe ish-kandidatit për deputet Ilir Alimehmeti, të cilët u etiketuan edhe si tradhtarë nga demokratët pas takimit që zhvilluan me qindra demokratë të Durrësit.

Foto: LSA

Dy anëtarët e Kryesisë së PD kërkuan nga Durrësi hapjen e partisë, pasurimin me figura të reja dhe ide për të përqafuar dëshirën e shqiptarëve për ndryshim dhe gjetjen e një formule efikase për të rrëzuar Edi Ramën, ku revolta ishte një nga propozimet e mbështetura.

Prezeca e kësaj dysheje, në një ditë të rëndësishme për opozitën, si 8 dhjetori që përkonë me nisjen e Lëvizjes Studentore të 1990, vjen dy ditë pasi krydemokrati Sali Berisha deklaroi se është takuar me Ilir Alimehmetin me kërkesë të këtij të fundit dhe la të hapur derën për takim edhe me Ervin Salianjin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)