Seanca në Kuvend mbyllet mes kaosit, flakadanë brenda, zjarr jashtë godinës

Mes kaosit total është mbyllur seanca e kësaj të enjteje në Kuvendin e Shqipërisë. Ende pa shkuar ora 10:00, orari zyrtar i nisjes së seancës, deputetët e Partisë Demokratike ishin futur në godinë dhe menjëherë zunë vendet e ministrave. Garda i kërkoi të largohen e të ulen në vendet e tyre, por u përballën me refuzim e më pas nisi edhe përplasja.

Niko Peleshi nisi zyrtarisht seancën, ndërsa deputetët dhe kreu demokrat kërkonin që të vinte në sallë Belinda Balluku e Ergys Agasi, të akuzuar gjatë kohëve të fundit nga SPAK.

Tensionet u rritën edhe më shumë kur në sallë u fut Avokati i Popullit, Endri Shabani, i cili u vërshëllye nga opozita, ndërsa u betua para parlamentit. Ai e realizoi procedurën mes zhurmës dhe kundërshtimeve nga opozita. Si për të reaguar ndaj kontestimeve të deputetëve demokratë, Avokati i Popullit i “dërgoi” një puthje opozitës. Një reagim ironik, i cili e tensionoi edhe më tepër situatën.

Edhe pas këtij momenti, tensionet vijuan, ndërsa Peleshi nxitoi për të miratuar rendin e ditës.

Belind Këlliçi ndezi edhe flakadanë, ndërsa nuk mungoi edhe një zjarr I vogël jashtë godinës, i cili u shua shpejt.

***

Seanca e kësaj të enjteje në Kuvend ka nisur me tensione. Deputetet e Partisë Demokratike, të cilët kanë shkuar me herët në Kuvend, janë ulur në karriget e ministrave.

Garda ka reaguar dhe po tenton t’i largojë nga zona ku qendrojnë ministrat, të cilët po presin të ulen në vendet e tyre, ndërsa situata është e tensionuar.

Më tej, deputeti i PD, Belind Këlliçi, ndezi flakadanë, ndërsa kreu i Kuvendit Niko Peleshi kërkoi ulje të tensioneve.

“Sillni Agasin këtu. Këtu po zhvillohet një betejë për ligjin. Të dashur qytetarë, ne qëndrojmë këtu për interesat tuaja”, tha Sali Berisha live në Facebook-un e tij.

Ndërsa brenda seancës vijonin tensionet jashtë saj nisi një zjarr nënë fibrat ku televizionet marrin sinjalin.

Ora: 10:30 - Avokati i Popullit betohet mes tensionit, Shabani i dërgon puthje opozitës

Mes tensionit, shtyrjeve dhe tymueseve, në Kuvend u paraqit edhe Avokati i Popullit i zgjedhur, Endrit Shabani. Ai u prit me vërshëllima nga deputetet e opozitës.

Mes tensioneve të forta që shoqëruan seancën plenare të Kuvendit, e cila pësoi ndërprerje të njëpasnjëshme, Shabani u betua në detyrën e Avokatit të Popullit. Ai e realizoi procedurën mes zhurmës dhe kundërshtimeve nga opozita.

Si për të reaguar ndaj kontestimeve të deputetëve demokratë, Avokati i Popullit i “dërgoi” një puthje opizitës. Një reagim ironik, i cili e tensionoi edhe më tepër situatën.

Seanca në Kuvend u shoqërua me ndërhyrje të shumta për rivendosjen e rendit, ndërsa tensionet vijuan edhe pas betimit të Endrit Shabanit.

Komente (0)