Ndryshime në nivel drejtuesi në administratë, Genti Gazheli ikën nga Doganat

Qeveria pritet të miratojë sot një seri vendimesh që sjellin ndryshime të rëndësishme në drejtimin e institucioneve kyçe shtetërore. Në fokus të mbledhjes së sotme të Këshillit të Ministrave është largimi i Genti Gazhelit nga detyra e Drejtorit të Përgjithshëm të Doganave, post që ai e ka mbajtur për rreth pesë vite.

Vendimi për shkarkimin e Gazhelit do të firmoset gjatë mbledhjes së qeverisë, ndërsa burime zyrtare bëjnë me dije se ndryshimi lidhet me një riorganizim më të gjerë në strukturat drejtuese të administratës publike.

Paralelisht, po sot ka dhënë dorëheqjen edhe Besmir Beja, Sekretar i Përgjithshëm i Ministrisë së Financave, detyrë që ai e mbante prej vitit 2018. Sipas burimeve, Beja pritet të emërohet në krye të Drejtorisë së Përgjithshme të Doganave, duke marrë kështu drejtimin e institucionit pas largimit të Gazhelit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)