Deputetë të rinj shqiptarë në SHBA për programin e Vizitorëve Udhëheqës

Qëllimi i udhëtimit është forcimi i bashkëpunimit mes Shteteve të Bashkuara dhe Shqipërisë mbi disa prioritete të përbashkëta strategjike.

28.01.2026. 13:21

Deputetë të rinj shqiptarë në SHBA për programin e Vizitorëve Udhëheqës

Deputetët e rinj shqiptarë, nga Partia Socialiste dhe Partia Demokratike kanë nisur pjesëmarrjen në Programin Ndërkombëtar të Vizitorëve Udhëheqës (IVLP). Në mënyrë simbolike, ata u takuan dhe u përgëzuan nga e Ngarkuara me Punë e Shteteve të Bashkuara, Nancy VanHorn.

Në kuadër të këtij programi, deputetët do të zhvillojnë një vizitë të përbashkët në Washington, DC, Phoenix në Arizona dhe Pensacola në Florida. Qëllimi i udhëtimit është forcimi i bashkëpunimit mes Shteteve të Bashkuara dhe Shqipërisë mbi disa prioritete të përbashkëta strategjike.

Sipas njoftimit të Ambasadës Amerikane në Tiranë, fokusi i vizitës do të jetë nxitja e lidhjeve tregtare, avancimi i zhvillimit ekonomik transparent si dhe mbrojtja e infrastrukturës kritike, përmes bashkëpunimit ndërpartiak. Programi IVLP synon të forcojë dialogun dhe shkëmbimin e përvojave mes liderëve të rinj, duke kontribuar në thellimin e marrëdhënieve mes dy vendeve.

Shkarkoni aplikacionin Newsmax Balkans:

Komente (0)