“Ditë vendimtare për Shqipërinë”, Berisha: Rama ka marrë ultimatum nga BE për Ballukun

Një ditë vendimtare për politikën shqiptare dhe raportet me Bashkimin Evropian, sipas opozitës, pritet të jetë kjo e sotmja, kur Gjykata Kushtetuese merr vendimin për masën e sigurisë “pezullim nga detyra” ndaj zëvendëskryeministres Belinda Balluku. Kreu i Partisë Demokratike, Sali Berisha, ka ngritur akuza të forta, duke deklaruar se vendimi mund të ketë pasoja të rënda për procesin e integrimit të Shqipërisë në BE.

Duke folur në Foltoren e radhës në Tiranë, Berisha u shpreh se kryeministri Edi Rama ka ushtruar presion mbi gjyqtarët e Kushtetueses për të votuar në favor të Ballukut. “Organizata kryetare e Ramës ka urdhëruar gjykatësit të votojnë pro Ballukut. Ky vendim mund të këpusë çdo urë lidhëse me Bashkimin Evropian dhe të zerojë përpjekjet 35-vjeçare për integrimin”, tha Berisha.

LEXO MË SHUMË

Politikë

"Kryengritje paqësore në 10 shkurt", Berisha: Peleshi censuroi mesazhin e DASH

Në një dalje për mediat kreu i demokratëve Sali Berisha akuzoi kryetarin e Kuvendit Niko Peleshi, i cili ndodhet për një vizitë në SHBA, se ka censuruar mesazhin e DASH.

13:12 50 ditë më parë06.02.2026.

Autori

Politikë

Berisha flet për protestën e 10 shkurtit: Strategji rrëzimi i Edi Ramës

Duke mos dhënë detaje mbi organizimin e protestës së tretë kombëtare, kreu i PD-ë Sali Berisha tha se strategjia që do të ndiqet do të jetë beteja deri në rrëzim e Edi Ramës.

13:50 51 ditë më parë05.02.2026.

Autori

Sipas tij, Rama dhe Balluku kanë kaluar gjithë ditën duke dërguar mesazhe dhe duke intimiduar gjyqtarët, pasi “nëse Lubia shkon në bankën e akuzës, do të shkojë edhe ai”. Berisha deklaroi gjithashtu se Rama ka marrë një ultimatum nga Bashkimi Evropian, por pavarësisht kësaj, po punon për të ndikuar vendimin e Gjykatës.

Në fjalën e tij, lideri i PD e quajti momentin aktual si më kritikën për vendin, duke akuzuar qeverinë se është e gatshme të sakrifikojë të ardhmen evropiane të Shqipërisë për interesat personale të pushtetit. Ai bëri paralelizma historike me izolimin e vendit në vitet ’60, duke theksuar se sot rreziku i shkëputjes nga Evropa po vjen për “karrigen e një njeriu”.

Berisha u bëri thirrje qytetarëve që t’i bashkohen protestës së 10 shkurtit, duke e cilësuar atë si një betejë paqësore për të ardhmen e Shqipërisë dhe jo për pushtetin e një partie.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)