“Zgjodha Shqipërinë me zemër”, Bujar Pllana rrëfen pse nuk shkoi tek Kosova

Mbrojtësi 24-vjeçar Bujar Pllana do të veshë fanellën e Kombëtares së Shqipërisë, duke lënë pas përfaqësimin e grupmoshave te Kosova. Futbollisti i Lechia Gdańsk, i grumbulluar nga tekniku Sylvinho për sfidat play off për Kupën e Botës, ka folur nga Polonia për zgjedhjen e tij dhe për ndeshjen që i pret kuqezinjtë në Varshavë.

Pllana theksoi se vendimi për të veshur fanellën kuqezi ishte i diktuar nga ndjenja e tij.

“Nuk kam folur ende me Sylvinho. Kisha kontakte vetëm me federatën pasi ata po më ndiqnin në ndeshjet e mëparshme. Ndoqa zemrën time. Ka qenë ëndrra ime që kur isha fëmijë. Unë jam rritur duke parë ekipin kombëtar të Shqipërisë. Tani jam i lumtur që bëhem pjesë e saj.”

Sa i përket aktivizimit në ndeshjet vendimtare, mbrojtësi mbetet i përqendruar te puna dhe jo te minuta në fushë.

“Gjëja më e rëndësishme është të shkoj në kampin stërvitor dhe të tregoj më të mirën. Më pas të shohim se çfarë do të ndodhë.”

LEXO MË SHUMË

Kombëtarja

Risia e Sylvinhos e feston grumbullimin në Kombëtare me gol

Bujar Pllana realizoi rrjetën e parë në fitoren 2-1 që skuadra e tij regjistroi kundër Pogon Szczecin, do ti bashkohet menjëherë kuqezinjve për sfidën e 26 marsit.

20:46 7 ditë më parë21.03.2026.

Autori

Kombëtarja

Muçi si "pykë" ndaj Polonisë? Sylvinho shpjegon zgjedhjet: Kemi besim te grupi!

Sylvinho vlerësoi kontributin e Rey Manajt, por pranoi se mungesa e tij ndihet, ndërsa theksoi se ka alternativa në repartin ofensiv. Ai përmendi edhe gjendjen e Dakut, i cili ka qenë jashtë për shkak dëmtimi.

11:47 7 ditë më parë21.03.2026.

Autori

Futboll

Shqipëria me “armë” të reja kundër Polonisë, Sylvinho publikon listën për play-off

Trajneri Sylvinho ka rikthyer në skuadër Ernest Muçin dhe Anis Mehmetin, të cilët janë në formë të mirë me klubet e tyre.

10:21 7 ditë më parë21.03.2026.

Autori

Pllana u shpreh gjithashtu optimist për shanset e Shqipërisë përballë Levandovskit me shokë.

“Në futboll nuk i dihet kurrë çfarë mund të ndodhë. Po e shohim këtë sot në kampionatin polak, i cili është shumë interesant dhe çdokush mund të mposhtë këdo. Në futboll, nuk mund të supozosh që dikush është favorit. Çdo gjë është e mundur. Ne do të bëjmë më të mirën për të shkuar në finale.”

Foto: Instagram/Bujar Pllana

Ai shtoi gjithashtu se të dyja ekipet kanë cilësi dhe lojtarë të nivelit të lartë.

“Ju keni një ekip të mirë dhe lojtarë të mirë, por edhe këtu është e njëjta gjë. Ne kemi lojtarë që luajnë në ligat më të mëdha. Në Shqipëri, të gjithë janë entuziastë rreth kësaj ndeshje, shumë të fokusuar. Ne e kuptojmë sa e rëndësishme është kjo ndeshje. Jemi përmirësuar në vitet e fundit, siç e kemi parë në Kampionatin Europian. Po përmirësohemi me çdo ndeshje që luajmë.”

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)