"Nuk i falim territor Rusisë", Zelensky kërkon edhe 'bekimin' e Papës pas mbështetjes nga liderët e BE

Nga Roma, ku u takua këtë të martë me Papa Leonin e XIV, Presidenti ukrainas Volodymyr Zelensky ka përsëritur qëndrimin e tij, për të mos i falur territor Rusisë, ashtu siç riafirmoi edhe mbrëmjen e djeshme në takimin me Starmer, Merz dhe Macron.

Zelensky vijon t’i rezistojë presionit të SHBA-së për një kompromis të dhimbshëm që përfshin lëshimin e territoreve në favor të Rusisë, ndërsa vazhdon të mbledhë mbështetjen evropiane për Ukrainën.

"Pa dyshim, Rusia këmbëngul që ne të heqim dorë nga territoret. Ne, qartë, nuk duam të heqim dorë nga asgjë. Kjo është ajo për të cilën po luftojmë. A e konsiderojmë lëshimin e ndonjë territori? Sipas ligjit, ne nuk kemi një të drejtë të tillë. Sipas ligjit të Ukrainës, kushtetutës sonë, ligjit ndërkombëtar dhe, për të qenë i sinqertë, ne nuk kemi as të drejtë morale", tha Zelensky.

LEXO MË SHUMË

Europa

Ukraina me plan të ri për paqen, refuzon të lëshojë territorin

Ukraina duket se nuk do ta mbështesë planin amerikan që parashikon lëshimin e territorit të Donbasit në favor të Rusisë. Presidenti Zelensky deklaroi se ekipi i tij do t’i dërgonte një propozim të ri amerikanëve shumë shpejt.

09:15 109 ditë më parë09.12.2025.

Autori

Europa

Kremlini: Nuk ka asnjë takim me Trump para vitit 2026, Zelensky shkon te Papa

Moska zyrtare bëri me dije se nuk është planifikuar asnjë takim mes presidentit Putin dhe liderit amerikan Donald Trump për paqen në Ukrainë përpara vitit 2026. Ndërkohë, lideri ukrainas vijon takimet në Evropë.

07:20 109 ditë më parë09.12.2025.

Autori

Europa

Zelensky takohet me liderët europianë në Londër: Ukraina kërkon garanci për paqe

Në Londër, Presidenti ukrainas Volodymyr Zelensky takoi liderët europianë për të diskutuar versionin e ri të planit të paqes, ndërsa u theksua nevoja për garanci të forta sigurie për Ukrainën.

21:51 110 ditë më parë08.12.2025.

Autori

Presidenti ukrainas u takua të martën herët me Papa Leonin XIV në Castel Gandolfo, një rezidencë papnore jashtë Romës, kur do të zhvillojë bisedime edhe me kryeministren Giorgia Meloni më vonë.

Foto: AP/Andrew Medichini

Vatikani në krahun tjetër tha se Ati i Shenjtë "përsëriti nevojën për vazhdimin e dialogut dhe shprehu dëshirën e tij urgjente që iniciativat aktuale diplomatike të sjellin një paqe të drejtë dhe të qëndrueshme".

“Gjatë bisedës së përzemërt, e cila u përqendrua në luftën në Ukrainë, Ati i Shenjtë përsëriti nevojën për të vazhduar dialogun dhe rinovoi shpresën e tij të fortë se iniciativat e vazhdueshme diplomatike mund të çojnë në një paqe të drejtë dhe të qëndrueshme. Për më tepër, ai iu referua çështjes së të burgosurve të luftës dhe nevojës për të siguruar kthimin e fëmijëve ukrainas në familjet e tyre”, raportoi Selia e Shenjtë.

Selia e Shenjtë është përpjekur të mbetet neutrale në luftë, duke ofruar solidaritet dhe ndihmë për atë që e quan popullin "martir" i Ukrainës. Leoni XIV është takuar deri tani tre herë me Zelensky-n dhe ka folur në telefon të paktën një herë me Presidentin rus Vladimir Putin.

Papa ka bërë thirrje për një armëpushim dhe i ka kërkuar Rusisë në veçanti të bëjë gjeste për të promovuar paqen.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)