Kryeministrja daneze viziton Groenlandën: Jemi në një situatë të vështirë

Kryeministrja e Danimarkës, Mette Frederiksen, ka mbërritur në kryeqytetin e Groenlandës, Nuuk, për një vizitë pune dhe për të zhvilluar bisedime me kryeministrin vendas, Jens-Frederik Nielsen, në një moment tensionesh pas deklaratave të fundit të ish-presidentit amerikan, Donald Trump.

Vizita vjen pas një jave të trazuar, gjatë së cilës Trump u tërhoq nga kërcënimet për marrjen me forcë të ishullit arktik dhe hoqi dorë nga vendosja e tarifave ndaj disa aleatëve europianë, duke pranuar hapjen e negociatave të mëtejshme. Trump deklaroi se ishte arritur një “kornizë e një marrëveshjeje të ardhshme për Groenlandën”, pas takimit të tij me sekretarin e përgjithshëm të NATO-s, Mark Rutte, në Forumin Ekonomik Botëror në Davos.

Megjithatë, detajet mbeten të paqarta dhe autoritetet daneze e të Groenlandës kanë theksuar se sovraniteti është një “vijë e kuqe” dhe nuk negociohet. “Jam në Groenlandë për të treguar mbështetjen e fortë të Danimarkës për popullin këtu. Është një situatë serioze dhe e vështirë”, u shpreh Frederiksen.

Foto: AP/Evgeniy Maloletka

Ajo theksoi se procesi do të ndiqet përmes kanaleve diplomatike dhe politike, ndërsa Danimarka është e gatshme të bashkëpunojë në çështjet e sigurisë në Arktik. Aktualisht, SHBA ka rreth 150 trupa në bazën ushtarake Pituffik, ndërsa pritet që marrëveshja e mbrojtjes e vitit 1951 mes SHBA-së dhe Danimarkës të rinegociohet, pa përfshirë dorëzim territori apo të drejta minerare, sipas BBC.

Lexo më shumë

Amerika

JD Vance për Newsmax: Amerika e mbron Groenlandën, meriton një pjesë të pasurisë së saj

Zëvendëspresidenti amerikan JD Vance ka mbrojtur nismën e presidentit Donald Trump për Groenlandën, duke deklaruar se Shtetet e Bashkuara tashmë ofrojnë mbrojtje reale për këtë territor arktik dhe, për pasojë, duhet të kenë akses në burimet e tij strategjike.

17:44 64 ditë më parë23.01.2026.

Autori

Europa

Trump dhe NATO drejt marrëveshjes për Groenlandën, Danimarka e hapur për dialog mbi "Kupolën e Artë"

Sovraniteti territorial i Danimarkës është një "vijë e kuqe", por Kryeministrja Mette Frederiksen është e hapur për negociata me Donald Trump sa i përket çështjes së Groenlandës dhe shfrytëzimit të ishullit për ngritjen e "Kupolës së Artë".

09:33 65 ditë më parë22.01.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)