“Do ta ndryshojmë Lindjen e Mesme”, Netanyahu: Izraeli nuk e tërhoqi SHBA-në në luftë

Kryeministri i Izraelit, Benjamin Netanyahu, deklaroi se vendi i tij do të vazhdojë luftën kundër Iranit “derisa të jetë e nevojshme”, duke theksuar se synimi është shkatërrimi i plotë i kapaciteteve bërthamore dhe raketore të Teheranit.

Në një konferencë për shtyp, Netanyahu u shpreh se pas 20 ditësh përplasje, Irani nuk ka më mundësi të pasurojë uranium apo të prodhojë raketa balistike. “Ne do t’i shkatërrojmë plotësisht, të gjitha këto kapacitete”, tha ai, duke folur fillimisht në hebraisht dhe më pas në anglisht.

Sipas tij, dëmet e shkaktuara ndaj Iranit janë aq të mëdha sa që vendi nuk mund të realizojë më planet që kishte. Ai shtoi se Irani kishte synuar të shkatërronte mijëra ndërtesa në Izrael, por sipas tij, “ato po bien në Liban dhe Iran”. Netanyahu premtoi gjithashtu një transformim të madh rajonal. “Ne do të ndryshojmë Lindjen e Mesme, jua premtoj këtë”, deklaroi ai, duke shtuar se Irani është më i dobët se kurrë, ndërsa Izraeli më i fortë.

Duke iu përgjigjur shqetësimeve të qytetarëve izraelitë për kohëzgjatjen e luftës, ai theksoi se konflikti do të zgjasë aq sa të jetë e nevojshme për arritjen e objektivave. “Do të punojmë së bashku dhe do të fitojmë së bashku”, u shpreh ai.

Netanyahu paraqiti tre objektiva kryesore të operacionit: eliminimin e kërcënimit bërthamor iranian, shkatërrimin e kapaciteteve të raketave balistike dhe krijimin e kushteve që populli iranian të “kapë lirinë e tij”. Ai theksoi se këto objektiva duhet të arrihen përpara se infrastruktura ushtarake të vendoset thellë nën tokë dhe të bëhet e paprekshme nga sulmet ajrore.

Kryeministri izraelit hodhi poshtë pretendimet se Izraeli ka tërhequr SHBA-në në luftë, duke përmendur presidentin amerikan Donald Trump. “A mendon dikush vërtet se mund t’i tregojë presidentit Trump çfarë të bëjë?”, tha ai, duke shtuar se vendimet e tij merren në interes të Amerikës dhe brezave të ardhshëm.

Netanyahu theksoi se ushtria izraelite po godet një gamë të gjerë objektivash në Iran, përfshirë arsenalin e raketave dhe dronëve, lëshuesit e tyre, si dhe infrastrukturën bërthamore dhe fabrikat e prodhimit të pjesëve për raketa. “Po e shkatërrojmë industrinë iraniane në një mënyrë që nuk e kemi bërë më parë”, tha ai.

LEXO MË SHUMË

Lindja e Mesme

“S’dërgojmë trupa, por të gjitha opsionet mbeten për Iranin”, Trump, kritika NATO-s dhe 200 mld dollarë për Pentagonin

Presidenti i SHBA-së, Donald Trump, deklaroi se aktualisht nuk ka plane për të dërguar trupa në Lindjen e Mesme, megjithëse la të hapur mundësinë për ndryshime në të ardhmen.

18:34 9 ditë më parë19.03.2026.

Autori

Lindja e Mesme

Avioni amerikan F-35 bën ulje të detyruar në Lindjen e Mesme, dyshohet se u godit nga Irani

Një avion luftarak amerikan F-35 është detyruar të bëjë ulje emergjente në një bazë ushtarake amerikane në Lindjen e Mesme, pasi dyshohet se është goditur nga irani gjatë një misioni luftarak.

16:59 9 ditë më parë19.03.2026.

Autori

Lindja e Mesme

Eksodi i madh i miliarderëve nga Dubai, ja vendet ku po zhvendosen

Lufta mes SHBA-së dhe Izraelit kundër Iranit ka shkaktuar një valë të madhe pasigurie në Lindjen e Mesme, duke nxitur një eksod të dukshëm të banorëve më të pasur nga Dubai, një nga qendrat kryesore financiare dhe turistike të rajonit.

21:37 9 ditë më parë19.03.2026.

Autori

Në lidhje me zhvillimet energjetike, ai sugjeroi krijimin e rrugëve alternative për naftën dhe gazin, jashtë Ngushticës së Hormuzit, duke propozuar ndërtimin e tubacioneve përmes Gadishullit Arabik drejt perëndimit. Sipas tij, kjo do të eliminonte varësinë nga një pikë strategjike që mund të bllokohet lehtësisht.

Netanyahu deklaroi gjithashtu se Izraeli ka vepruar i vetëm në disa sulme, ndërsa shtoi se Trump ka kërkuar pezullimin e sulmeve të ardhshme dhe se Izraeli po e respekton këtë kërkesë.

Ai foli edhe për situatën e brendshme në Iran, duke pretenduar se ka përçarje dhe tensione në udhëheqjen iraniane. “Po shohim çarje në regjimin iranian”, tha ai, duke shtuar se ndryshimi i regjimit është i mundur, por jo i garantuar. “I takon popullit iranian të përfitojë nga kushtet që kemi krijuar”, tha  Netanyahu.

Lexo më shumë

Amerika

“Vazhdojmë gjuetinë”, Hegseth pa datë për fundin e luftës: Bota të falënderojë Trump për sulmin ndaj Iranit

Hegseth pranoi ndër të tjera se nuk ka një afat përfundimtar për përfundimin e luftës, por insistoi duke thënë: “Ne jemi brenda planit… dhe nuk do të donim të vendosnim një afat kohor përfundimtar.”

14:37 9 ditë më parë19.03.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)