Shkon në tualetin e lokalit, gjen kamerën të fshehur

Një grua ka thënë se është ndjerë e "dhunuar" pasi ka gjetur një kamerë transmetimi të drejtpërdrejtë të fshehur brenda një tualeti që e kishte përdorur gjatë një takimi në një restorant.

Nëna 32-vjeçare, nënë e një fëmije, ishte në një takim me partnerin e saj në një restorantin tajlandez  në Leicester, midis Krishtlindjeve dhe Vitit të Ri kur gjeti kamerën dhe njoftoi stafin.

Policia e Leicestershire u njoftua dhe kreu një hetim, por ende nuk janë bërë arrestime nga policia.

"Më bën të ndihem keq, jam përpjekur të distancohem nga kjo, por kushdo që e ka bërë këtë ka fituar, tani ka pamje për mua", është shprehur ajo.

Gruaja, punonjëse e NHS kishte vizituar restorantin më 30 dhjetor kur pasi kishte ngrënë, i duhej të përdorte tualetin. Por pasi përdori tualetin kuptoi se kishte një kamerë të zezë, me letër kuzhine të mbështjellë rreth saj, nën kapakun e tualetit me një lente të zezë të dukshme. Kamera më vonë u gjet e lidhur me internetin.

"Mendimi i dikujt që po më shikonte, veçanërisht në një zonë kaq private, më frikësoi. Është një gjë shumë e pakëndshme për t'u menduar, që dikush e ka atë tani. Duhet të ketë pasur kaq shumë njerëz që vizitonin atë tualet.", tha ajo.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)