"Trimoshat me patllake", Rama e SPAK përplasen për agjentët e BKH, Kryeministri: Ky ishte më i ëmbli i episodeve!

Kjo e dielë është shndërruar në një arenë përplasjesh në distancë midis kryeministrit Edi Rama dhe SPAK. Gjtihçka nisi pas një deklarate të bërë nga shefi i qeverisë në podcastin e tij “Flasim”, ku kritikoi qëndrimin e agjentëve të BKH, duke marrë si shembull një rast kur disa prej tyre u paraqitën në godinë e Kryeministrisë dhe refuzuan sipas tij të dorëzonin armët në hyrje, në respekt të rregullores dhe protokolleve.

“Dy indicie tejet shqetësuese nuk provojnë se protagonistëve të pavarësisë së drejtësisë u ka marrë koka erë dhe u është mbushur mendja se ata janë shteti, ligji e drejtësia, si puna e ca trimoshave të BKH-së, për të cilët kam dëgjuar shumë çudira, po kishin ardhur një ditë në godinën e Këshillit të Ministrave, e nuk donin ta linin patllaken tek dera sipas rregullores së sigurisë së lartë, të Gardës së Republikës”, tha kreu i ekzekutivit.

Ky pohim i Ramës u pasua nga një reagim i Strukturës së Posaçme, ku nënvizohej se tre agjentët e BKH-së që hyn në Kryeministri në përputhje me rregulloren kanë dorëzuar armët duke i vendosur në dollapin e sigurisë sipas orientimit të oficerëve të Gardës.

“Në përgjigje të kërkesave dhe interesit të medias lidhur me deklaratën e Kryeministrit të Shqipërisë, z. Edi Rama, Byroja Kombëtare e Hetimit sqaron sa më poshtë: Më datë 20 nëntor 2025, tre hetues të Byrosë Kombëtare të Hetimit (BKH) janë paraqitur në ambientet e Këshillit të Ministrave për ekzekutimin e vendimit të Gjykatës së Posaçme së Shkallës së Parë, nr. 118, datë 19.11.2025, përmes të cilit është vendosur masa e pezullimit nga ushtrimi i detyrës ndaj Zëvendëskryeministres, znj. Belinda Balluku. Në hyrjen e brendshme të Këshillit të Ministrave, hetuesit janë informuar nga Garda e Republikës se sipas rregullave në fuqi, nuk lejohet hyrja me armë zjarri në ambientet e brendshme të institucionit. Njëri prej hetuesve ka kërkuar sqarim mbi mënyrën dhe vendin e depozitimit të armëve. Garda e Republikës i ka orientuar që armët të liheshin në dollapët e posaçëm të sigurisë, në hyrje të institucionit. Pas verifikimit se ambienti i depozitimit ishte i sigurt dhe i monitoruar me kamera, hetuesit kanë depozituar armët dhe kanë vijuar normalisht me kryerjen e veprimeve procedurale. Theksojmë se në asnjë moment nuk ka pasur debat apo përplasje mes hetuesve të BKH-së dhe Gardës së Republikës”, thuhet në reagimin e SPAK.

Kryeministri Rama në vijim nuk e ka lënë pa një përgjigje BKH dhe SPAK, teksa përmes platformës “X” shkruan se rasti që ai përmendi sot nuk është i vetmi që tregon se asaj trupe i mungon etika profesionale.

LEXO MË SHUMË

Aktualitet

“Nuk dorëzuan patllaken tek Garda”, SPAK reagon pasi Rama kritikoi agjentët e BKH-së

SPAK ka reaguar për mediat pas kritikave të kryeministrit Edi Rama ndaj agjentëve të BKH-së, për të cilët tha se kanë refuzuar të dorëzojnë armët , gjatë një vizite të tyre në Kryeministri.

16:09 1 ditë më parë14.12.2025.

Autori

Politikë

“Trimoshat e BKH nuk dorëzuan patllaken në Kryeministri”, Rama: Të ndajmë beben e lindur nga ujërat e pista

Edi Rama akuzoi disa përfaqësues të drejtësisë se për të dytë herë brenda pak kohësh kërkonin të merrnin kompetencat e kryeministrit, presidentit dhe Kuvendit. Kreu i qeverisë solli në vëmendje kërkesën e shoqatave të gjyqtarëve që kërkonin me ngulm rritjen e pagave.

15:44 1 ditë më parë14.12.2025.

Autori

“Qenka përgjigjur publikisht edhe BKH-ja ndaj njërit prej një sërë episodesh të mungesës së etikës profesionale të anëtarëve të asaj trupe, të cilin e ceka sot në podkastin FLASIM, duke folur për simptomat shqetësuese të sëmundjeve të vjetra në organizmat e drejtësisë së re! Ata kanë cituar ligjin, sipas të cilit mund të mbajnë patllake, kur në fakt unë nuk i kritikova për armëmbajtje pa leje, po për padijen etike dhe ligjore që i shtyu të donin të hynin në kryeministri me patllake siç e thonë edhe vetë në deklaratë. Sikur të ishte ky një rast i veçuar, padiskutim që nuk do ta kisha cekur në kuadër të qëndrimit të sotëm mbi simptomat e lartpërmendura, por fatkeqësisht ky ishte më i ëmbli i episodeve që munda të gjej, për trimoshat e BKH-së që shfaqin shpesh boshllëqe shqetësuese etike e profesionale - thënë kjo shumë ëmbëlsisht për këtë pjesë të problematikës së sëmundjeve të vjetra në organizmat e drejtësisë së re“, shkruan Rama.

Po ashtu kreu i qeverisë nënvizon se drejtësia e re duhet të shkëputet nga mendësia e vjetër e forcës dhe se ka ardhur koha për të reflektuar dhe të mos lejohet që abuzohet me cilësinë e gjyqësorit.

“Gjithësesi, po e përsëris, ka ardhur koha e një reflektimi serioz, profesional dhe ndërinstitucional, për të ndarë beben e sapolindur të drejtësisë së pavarur nga ujërat e pistë të mendësive të vjetra e të keqkuptimeve të reja, në një proces historik ku duhet të garantojmë suksesin e Reformës në Drejtësi, duke garantuar medoemos pavarësinë dhe cilësinë e gjyqësorit, po ku po ashtu, nuk mundet kurrësesi të lejojmë që kura te bëhet problem më i madh se sëmundja - duke rrezikuar liritë e të drejtat dhe frymëmarrjen e administratës e të ekonomisë së vendit“, thekson Rama.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)