“Duam ujë”, me bidona në duar qytetarët e Vlorës në protestë, ndërpresin mbrëmjen gala në teatrin “Petro Marko"

Dhjetëra qytetarë dhe anëtarë të Forumit Rinor të Partisë Demokratike të Vlorës kanë protestuar këtë të diel për mungesën e ujit të pijshëm, problem me të cilin po përballen prej tre ditësh në qytetin bregdetar.

Të revoltuar, protestuesit kanë hyrë me forcë në ambientet e Teatrit “Petro Marko”, ku punonjës të Bashkisë Vlorë po merrnin pjesë në një mbrëmje gala me rastin e festave të fundvitit.

Me shishe dhe bidona uji bosh në duar, qytetarët shprehën simbolikisht pakënaqësinë e tyre për një problem jetik që, sipas tyre, përsëritet pothuajse çdo ditë. Thirrja kryesore e protestës ishte: “Duam ujë”.

Situata u tensionua mes protestuesve dhe forcave të policisë, të cilat ndodheshin në ambientet e teatrit. Nëndrejtori i Policisë së Shtetit në Vlorë, Shpëtim Hasanaliaj, u bëri thirrje protestuesve të lirojnë sallën ku po zhvillohej aktiviteti i bashkisë.

LEXO MË SHUMË

Sociale

Vlora tre ditë pa ujë, drejtori i Ujësjellësit zbulon kur rikthehet furnizimi normal

Drejtori i Ujësjellësit në Vlorë, Ermal Murati, u ka kërkuar falje qytetarëve për problemin e tejzgjatur të furnizimit me ujë që vijon prej tre ditësh për shkak të një avarie në një nga tubacionet kryesore 1000 mm. Ai ka premtuar një zgjidhje për furnizimin e zonës së Lungomares deri në orën 18:00.

16:32 90 ditë më parë28.12.2025.

Autori

Aktualitet

Vlora, në ditën e tretë pa ujë, spitali furnizohet me autobote

Vlora, prej 3 ditësh vuan mungesën e ujit të pijshëm. Shkak është bërë një defekt në tubacionin kryesor, teksa mësohet se spitali po furnizohet nga zjarrfikëset.

10:03 90 ditë më parë28.12.2025.

Autori

Pas ndërprerjes së shfaqjes, qytetarët vijuan protestën në shesh përpara teatrit, duke kërkuar një zgjidhje konkrete për furnizimin me ujë të pijshëm. Mes protestuesve kishte edhe emigrantë, të cilët kanë theksuar se janë kthyer në atdhe për të festuar, por janë përballur me mungesën e ujit.

Banorët shprehen se nuk kanë marrë asnjë përgjigje zyrtare se kur do të zgjidhet problemi dhe paralajmërojnë se nuk do të heqin dorë nga protestat, sidomos në prag të festave të fundvitit.

Qytetarët kanë njoftuar një tjetër protestë, e cila do të mbahet nesër, të hënën, në orën 10:00, përpara ambienteve të Bashkisë Vlorë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)