Grushta ndaj drejtorit të IMT-së dhe dy policëve, arrestohen tre persona në Vlorë

Policia e Vlorës përmes një njoftimi për mediat bën me dije se ka vënë në pranga tre persona, si të akuzuar për dhunë e ushtruar ndaj efektivëve të policisë, në incidentin e ndodhur dje gjatë një aksioni të IMT-së për lirimin e hapësirave publike në qytetin bregdetar.

Irfan Dalipaj (58 vjeç), Drisild Dalipaj (27 vjeç) dhe Ilfabio Dalipaj (23 vjeç), të tre banues në Vlorë akuzohen se kanë dhunuar fizikisht Drejtorin e IMT-së në Bashkinë Vlorë teksa ai ndodhej në detyrë, dhe më pas kanë goditur edhe efektivë të policisë që shkuan në vendngjarje për të ndalur konfliktin.

LEXO MË SHUMË

Kronikë

Të shtëna armësh në operacionin për lirimin e hapësirave në Vlorë, 4 persona përleshen me policinë e IMT

Ka degraduar në dhunë faza e radhës e aksionit për lirimin e hapësirave publike në Vlorë. 4 persona refuzonin të hiqnin tendat dhe janë përballur fizikisht me inspektorët e IMT dhe policinë.

13:21 96 ditë më parë22.12.2025.

Autori

Incidenti që agravoi në përplasje fizike ka ndodhur në zonën e rrethrrotullimit të Nartës, ku tre të arrestuarit ata ushtronin aktivitet të shitjes së automjeteve dhe lavazhos. Teksa konflikti agravaoi një prej punonjësve të policisë që shkuan në vendngjarje për të neutralizuar personat e dhunshëm, ka qëlluar një herë në ajër me armën e shërbimit, për t’i zmbrapsur ata, por pa shkaktuar pasoja.

Policia e Vlorës po ashtu sqaron se dy efektivë, pjesë e trupës së saj aktualisht ndodhen të shtruar në spital, ku po trajtohen me ndihmë mjekësore dhe gjenden jashtë rrezikut për jetën.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)