Fati i zv/kryeministres mbetet pezull, Kushtetuesja nuk merr vendim për Ballukun

Në të tretën seancë për shqyrtimin e ankimimit të kryeministrit Edi Rama të vendimit të Shkallës së Parë të Gjykatës së Posaçme për pezullimin nga detyra të zv/kryeministres Belinda Balluku, Gjykata Kushtetuese nuk ka arritur të shprehet me një vendim.

Çështja është shtyrë për një seancë tjetër pasi mbledhja ne dhomë këshillimi nuk prodhoi një vendimmarrje.

Kujtojmë se çështja “Balluku” ka shënuar një nga përplasjet më të forta institucionale të viteve të fundit, atë mes qeverisë dhe Gjykatës së Posaçme Kundër Korrupsionit dhe Krimit të Organizuar, për kompetencat që dy pushtetet kanë në lidhje me pezullimin ose jo të një anëtari të Këshillit të Ministrave.

LEXO MË SHUMË

Politikë

Belinda Balluku ankimon në Gjykatën e Lartë masën e sigurisë

Zv/kryeministrja Belinda Balluku ka dorëzuar një rekurs në Gjykatën e Lartë kundër masës shtrënguese të ndalimit të daljes jashtë vendit.

17:33 58 ditë më parë29.01.2026.

Autori

Politikë

“Presim vendimin e Kushtetueses”, Kuvendi shtyn mbledhjen e Këshillit të Imunitetit për Ballukun

Mazhoranca socialiste kërkoi spostimin për një datë të pacaktuar, SPAK ka kërkuar arrestimin e zv.kryeministres.

13:10 59 ditë më parë28.01.2026.

Autori

Aktualitet

Çështja “Balluku”, 4 orë seancë në Gjykatën Kushtetuese, togat e zeza tërhiqen për vendim

Ka përfunduar seanca në Gjykatën Kushtetuese për shqyrtimin e padisë së kryeministrit Edi Rama përkundrejt vendimit të GJKKO-së për pezullimin nga detyra të zv/kryeministres Belinda Balluku. Togat e zeza janë tërhequr për vendim, teksa Qeveria, Presidenca dhe Kuvendi kërkuan shfuqizimin e vendimit.

14:14 65 ditë më parë22.01.2026.

Autori

Procesi u në lëvizje pas padisë së kryeministrit Edi Rama, i cili kërkon zgjidhjen e konfliktit të kompetencave, duke kundërshtuar vendimin e GJKKO-së të nëntorit 2025 për pezullimin e Ballukut nga funksionet qeveritare. Sipas qeverisë, ky vendim përbën tejkalim të kompetencave nga ana e pushtetit gjyqësor dhe cenon parimin kushtetues të ndarjes së pushteteve.

GJKKO argumenton se pezullimi është vendosur për të garantuar mbarëvajtjen e hetimeve dhe për të shmangur ndikimin e mundshëm në prova apo në procesin hetimor që SPAK ka nisur ndaj Ballukut.

Kujtojmë që Prokuroria e Posaçme, i ka kërkuar Kuvendit heqjen e mandatit dhe dhënien e autorizimit për arrestimin e Ballukut, kërkesë që ende nuk është miratuar në Këshillin e Mandateve.

Sakaq, zv/kryeministrja Balluku përballet me akuza që lidhen me tenderë të mëdhenj publikë, përfshirë Tunelin e Llogorasë dhe projekte të tjera infrastrukturore.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)