Vlora, 4 ditë pa ujë, Rama iu kërkon ndjesë banorëve: Brenda ditës vijnë pajisjet nga Turqia

Kryeministri Edi Rama ka reaguar në rrjetin social X lidhur me mungesën e ujit të pijshëm në Vlorë dhe protestat e banorëve, duke bërë përgjegjëse instalimet e vjetra hidraulike të vendosura jashtë standardeve dhe duke premtuar zgjidhje të shpejtë të situatës.

Në reagimin e tij, Rama bën të ditur se pjesët e reja hidraulike për riparimin e defektit të rëndë në ujësjellësin e Vlorës janë nisur drejt aeroportit të Stambollit për të mbërritur brenda ditës. Sipas kryeministrit, problemi ka ardhur si pasojë e instalimeve të kryera në vitet 2009-2010, kur janë përdorur pjesë jashtë standardeve teknike, të cilat nuk kanë përballuar më presionin e ujit, duke çuar në shpërthimin e tubacionit.

LEXO MË SHUMË

Aktualitet

“Duam ujë”, me bidona në duar qytetarët e Vlorës në protestë, ndërpresin mbrëmjen gala në teatrin “Petro Marko"

Dhjetëra qytetarë të Vlorës dhe anëtarë të FRPD-së kanë protestuar në mbrëmje për mungesën e ujit të pijshëm, tashmë prej tre ditësh. Në shenjë simbolike, me bidona në duar e thirrjen "duam ujë", ata mësynë në sallën e teatrit "Petro Marko" duke ndëprerë mbrëmjen gala të Bashkisë Vlorë për fundvit.

20:09 90 ditë më parë28.12.2025.

Autori

Rama thekson se bëhet fjalë për një defekt serioz, i cili ka krijuar vështirësi të mëdha për qytetarët, por nënvizon se po punohet intensivisht për riparimin e tij. Ai shpreh respekt për punëtorët e Ujësjellësit të Vlorës, të cilët, sipas tij, prej disa ditësh dhe netësh po punojnë pa ndërprerje për të zgjidhur situatën.

Rama e cilëson ndërhyrjen si një përpjekje për të mbyllur “një plagë të hapur në trupin e Vlorës”, duke e lidhur problemin me trashëgiminë e keqe të së shkuarës.

Rama u kërkon ndjesë banorëve të Vlorës për situatën e krijuar, të cilën e cilëson si një peripeci të pamerituar, ndërsa shprehet optimist se defekti do të riparohet dhe furnizimi me ujë do të rikthehet në normalitet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)