Pas fyerjeve në distancë, Trump pret në takim “Lordin e drogës”

Pak javë më parë e cilësonte si një “Lord droge”, por duket se presioni funksioni dhe Presidenti amerikan, Donald Trump mbrëmjen e djeshme e priti në Shtëpinë e Bardhë për të folur për një marrëveshje, homologun e tij kolumbian, Gustavo Petro.

Pasi shkëmbyen fyerje të shumta në rrjetet sociale, Trump dhe Petro e kanë hedhur pas krahëve të shkuarën dhe patën një takim pozitiv në Uashington, ku diskutuan në veçanti për luftën kundër trafikut të drogës.

"Po, ne diskutuam për të dhe u morëm vesh shumë mirë. Patëm një takim shumë të mirë", u tha presidenti amerikan gazetarëve të martën kur u pyet nëse kishte arritur një marrëveshje me Petrën për të ndalur trafikun e drogës nga Kolumbia drejt SHBA-ve.

Edhe Presidenti kolumbian tha në një konferencë për shtyp se takimi me Trump ishte pozitiv dhe se ata diskutuan për probleme konkrete dhe një rrugëzgjidhje të përbashkët.

"Lojtarët kryesorë në tregtinë e drogës nuk janë ata që mendoni. Ata jetojnë në Dubai, Miami, Madrid. Ia dhashë emrat e tyre Presidentit Trump. Ata janë jashtë Kolumbisë dhe duhet të gjenden", u tha Petro gazetarëve të martën.

Petro u largua nga Shtëpia e Bardhë pak pas orës 13:00 sipas kohës lokale, pasi kaloi rreth dy orë në rezidencën e presidentit të SHBA-ve. Ai zbuloi se gjatë takimit në Zyrën Ovale, Trump i dha atij një kapelë të nënshkruar me mbishkrimin "Make America Great Again", së cilës i shtoi menjëherë shkronjën "S", e cila shkruante "Make Americas Great Again", duke aluduar si në Amerikën Qendrore ashtu edhe në atë Jugore, përveç Amerikës së Veriut.

Takimi midis dy presidentëve u zhvillua larg syrit të publikut. Shtëpia e Bardhë publikoi një foto të tyre nga Zyra Ovale, ku shihet edhe Zëvendëspresidenti JD Vance, dhe një copë letër në duart e njërit prej ndihmësve të Petro-s ku shkruhet "KOLUMBIA: Aleati i Amerikës kundër narko-terroristëve".

Foto: X

Në muajt e fundit, Trump ka pasur një marrëdhënie veçanërisht të tensionuar me Petron, një ish-guerilas antiimperialist i cili u zgjodh president i Kolumbisë në vitin 2022.

Të dy presidentët kritikuan njëri-tjetrin në tetor kur Trump e quajti Petrën një "lord të paligjshëm droge". Në janar, presidenti amerikan propozoi veprime ushtarake kundër Kolumbisë, dikur një aleat kyç i SHBA-së, duke akuzuar udhëheqjen e saj se nuk arriti të ndalonte trafikun e drogës.

Foto: X

Petro po ashtu ka qenë një kritik i ashpër i Trump. Ai i deklaroi veprimet e qeverisë së tij kundër anijeve të dyshuara për transport droge në Detin e Karaibeve si krime lufte, dhe operacionin amerikan që rrëzoi presidentin venezuelian Nicolás Maduro në fillim të vitit si një "rrëmbim".

Por, Trump u tha gazetarëve një ditë më parë se toni i Petrovit ka ndryshuar, duke sugjeruar se ai ishte bërë më i butë pas veprimeve të SHBA-së kundër Maduros.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)