“Jetuan në mjerim, robëri dhe frikë”, murtaja vret 72 tigra

Një virus ka shkaktuar ngordhjen e 72 tigrave në një park privat në Tajlandë, duke ngritur shqetësime  për kushtet në të cilat mbahen kafshët e egra në objekte turistike.

Sipas Byrosë Veterinare në Chiang Mai, në veri të vendit, testet konfirmuan se kafshët ishin të infektuara me virusin e murtajës, i cili tek tigrat është më i vështirë për t’u zbuluar sesa tek qentë apo macet. “Kur e kuptuam se ishin të sëmurë, ishte tepër vonë”, deklaroi një zëdhënës i shërbimit veterinar. Mediat lokale raportojnë se disa prej tigrave vuanin gjithashtu nga panleukopenia e maceve, e shkaktuar nga parvovirusi, si dhe nga infeksione bakteriale.

Ngjarja ndodhi në parkun “Tiger Kingdom”, ku turistët lejohen të prekin dhe të fotografohen me kafshët. Organizata për mbrojtjen e të drejtave të kafshëve PETA reagoi, duke deklaruar se tigrave “iu mor jeta ashtu siç jetuan, në mjerim, robëri dhe frikë”.

Në park mbaheshin gjithsej 246 tigra, ndërsa rastet e para u regjistruan më 8 shkurt. Mediat tajlandeze raportojnë se shumimi brenda të njëjtës linjë gjaku në robëri mund të ketë dobësuar imunitetin e kafshëve, duke rritur ndjeshëm rrezikun e infeksioneve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)