“Cicada”, varianti i ri i Covid-19 që po përhapet me shpejtësi dhe që i reziston vaksinës

Një variant i ri i COVID-19 po përhapet me shpejtësi, veçanërisht në Shtetet e Bashkuara dhe Tajlandë. Bëhet fjalë për variantin BA.3.2, i njohur si Cicada.

I zbuluar për herë të parë në një mostër respiratore të mbledhur në Afrikën e Jugut, ai ka qarkulluar i pazbuluar deri më tani.

Pavarësisht përhapjes së shpejtë të tij, aktualisht nuk ka shkak të vërtetë për alarm . Ekspertët theksojnë se deri më tani nuk ka shenja që “Cicada” është më e rrezikshme ose shkakton forma më të rënda të sëmundjes sesa variantet e tjera nga dimri i kaluar.

Varianti BA.3.2 u zbulua për herë të parë në nëntor 2024, ndërsa rasti i parë në Shtetet e Bashkuara u pikas te një udhëtar që mbërriti në qershor 2025. Tani është i pranishëm në mbi njëzet vende.

“Cicada BA.3.2” vjen nga familja e madhe e variantit Omicron. Krahasuar me llojet mbizotëruese të SARS-CoV-2, ai paraqet 70 deri në 75 modifikime gjenetike në proteinën e tij Spike, pjesa e virusit që lejon depërtimin në qelizat njerëzore.

Pikërisht për shkak të karakteristikave, ekspertët theksojnë se vaksina aktuale kundër Covid mund të mos jetë plotësisht efektive. Kjo nuk do të thotë që vaksinimi është i padobishëm, theksojnë ekspertët, pasi prova të shumta tani demonstrojnë potencialin e këtyre vaksinave për të zvogëluar shtrimet në spital dhe vdekjet nga Covid.

“Cicada” shoqërohet me simptoma të lehta deri në të moderuara, pa prova të rritjes së ashpërsisë krahasuar me mutacionet e mëparshme të Omicron. Në shumicën e rasteve, nuk janë vërejtur gjendje klinike më të rënda ose një rritje e shtrimeve në spital.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)