Tym, flakë dhe një det njerëzish në Sarajevë, festë e çmendur e boshnjakëve pasi lanë në shtëpi Italinë

Bosnja ka përjetuar momente të jashtëzakonshme që nga mbrëmja e së martës, me ekipin kombëtar që u kualifikua për Kupën e Botës 2026, pas një mungese 12-vjeçare.

Fitorja shijoi edhe më shumë për Edin Dzeko me shokë, pasi mposhtën Italinë nga gjuajtjet e penalltive, duke i lënë Axurët jashtë Kupës së Botës për të tretën herë radhazi.

Boshnjakët u rikthyen në këtë kompeticion dhe fitorja u festua në çdo qytet, ndërsa Sarajevë u bë epiqendra e gëzimit për triumfin historik.

Pavarësisht shiut dhe motit të ftohtë që i futi të dridhurat dhe djemve të Gattuso-s, rrugët e Sarajevës u mbushën me mijëra njerëz pas fishkëllimës së fundit, ndërsa gjatë ndeshjes një turmë tifozësh ishin mbledhur në një pikë qendrore të qytetit për të ndjekur ndeshjen kundër Italisë.

Në videot që po bëjnë xhiron e rrjetit duket një det njerëzish i formuar në sheshin qendror të Sarajevës, ndërsa muzika, brohoritjet për lojtarët e ‘Dragonjve’, si dhe flakadanët ndezën në “flakë” kryeqytetin boshnjak.

Festës më vonë ju bashkuan edhe lojtarët e kombëtares, të cilët udhëtuan drejt Sarajevës nga Zenica, ku i vunë vulën kualifikimit.

Komente (0)