Qeveria Kurti dërgon në Kuvend projektligjet për çmimet tavan dhe sigurimin shëndetësor

Kabineti i kryeministrit Albin Kurti ka miratuar të premten projektligjet për çmimet tavan dhe për sigurimin e detyrueshëm shëndetësor, të cilat do të dërgohen në Kuvend për miratim. Këto nisma synojnë të adresojnë boshllëqet e ligjit të mëparshëm, të rrëzuar nga Gjykata Kushtetuese gjatë mandatit të kaluar.

Projektligji për çmimet tavan parashikon vendosjen e një limite të çmimeve për produktet bazë dhe marzhin tregtar për shitje me shumicë dhe pakicë, në mënyrë që të parandalohen rritjet e papritura të çmimeve, veçanërisht në situata krizash si rritja e karburanteve. Ministrja e Industrisë, Mimoza Kusari-Lila, tha se ligji i ri merr parasysh rekomandimet e Kushtetueses.

Ndërkaq, projektligji për sigurimin e detyrueshëm shëndetësor, i prezantuar nga ministri Arben Vitia, synon të sigurojë qasje universale në shërbime themelore shëndetësore për të gjithë qytetarët, përmes krijimit të një fondi të posaçëm financiar. Ligji synon gjithashtu rritjen e cilësisë së shërbimeve dhe rregullimin e kontributeve për sigurimin shëndetësor, duke plotësuar financimin nga buxheti i shtetit.

Këto masa vijnë pas një periudhe kur qytetarët paguajnë shërbime shëndetësore në mënyrë të pjesshme, përveç kategorive të caktuara si fëmijët, pensionistët dhe rastet sociale, duke synuar krijimin e një sistemi më të drejtë dhe të qëndrueshëm.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)