Zgjidhet kryetarja e re e Gjykatës Kushtetuese

Fiona Papajorgji do të jetë kryetarja e re e Gjykatës Kushtetuese, për një mandat që do të zgjasë 3 vjet.

Papajorgji do të zëvendësojë në këtë detyrë, ish-kryetaren e Gjykatës Kushtetuese Holta Zaçaj.

Vakanca për kryetaren e GJK-së u krijua pas përfundimit të mandatit të Zaçajt në mars të këtij viti. Gjyqtarja Papajorgji ishte kandidatura e vetme për këtë pozicion.

Fiona Papajorgji ka lindur më 12 mars 1976 në Vlorë. Në vitin 2000 ka përfunduar studimet në Fakultetin e Drejtësisë, Universiteti i Barit, Itali. Në vitin 2012 ka marrë gradën shkencore “Doktore e Shkencave Juridike” në të njëjtin universitet.

Nga viti 2000 deri në 2008 ka ushtruar profesionin si avokate ndihmëse dhe më pas si avokate në disa studio ligjore në Bari. Nga viti 2009 deri në 2011 ka shërbyer si juriste në Drejtorinë e Studimeve, Kërkimeve dhe Publikimeve pranë Gjykatës Kushtetuese.

Në periudhën 2011–2019, ajo ka ushtruar detyrën e këshilltares ligjore pranë Gjykatës Kushtetuese. Paralelisht, që nga viti 2007 e në vijim, është angazhuar në mësimdhënie universitare si lektore e së Drejtës Publike në disa universitete.

Dr. Papajorgji ka ofruar ekspertizë ligjore në projekte të ndryshme, përfshirë ato pranë Agjencisë së Sigurimit të Cilësisë në Arsimin e Lartë, si dhe në procese të përafrimit të legjislacionit. Ajo është autore e disa artikujve shkencorë në fushën e së drejtës kushtetuese.

Në vitin 2019, është angazhuar nga Shkolla e Magjistraturës si pedagoge e jashtme për Programin e Trajnimit Fillestar.

Në nëntor 2019, Dr. Fiona Papajorgji është emëruar anëtare e Gjykatës Kushtetuese.

LEXO MË SHUMË

Aktualitet

I takon Kuvendit, nis procedura për plotësimin e vakancës në Kushtetuese

Komisioni i Ligjeve në Kuvendi shpalli vakancën në Gjykatën Kushtetuese pas përfundimit të mandatit të ish-gjyqtares Elsa Toska.

12:37 108 ditë më parë10.12.2025.

Autori

Aktualitet

Vakanca në Kushtetuese, 10 emra në garë, Presidenca publikon listën

Presidenca ka bërë publike listën me emrat e 10 kandidatëve që kanë shpallur interesin për të zënë vendin bosh të krijuar në Gjykatën Kushtetuese pas përfundimit të mandatit të Sonila Bejtjas.

17:01 114 ditë më parë04.12.2025.

Autori

Aktualitet

Holta Zaçajt i përfundoi mandati, Gjykata Kushtetuese nis procedurat për zgjedhjen e kryetarit të ri

Me një vendim të marrë këtë të martë në mbledhjen e gjyqtarëve të Gjykatës Kushtetuese, është çelur zyrtarisht gara për të zgjedhur kryetarin e ri të këtij institucioni, pasi Gjykata e Lartë e cilësoi të përfunduar mandatin e Holta Zaçajt.

18:26 116 ditë më parë02.12.2025.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)