Rëndohet situata nga reshjet, urdhër evakuimi për 4 zona në Vlorë, Fier dhe Durrës

Ministria e Mbrojtjes ka nxjerrë një urdhër evakuimi për banorët e tre njësive Administrative në Vlorë, Fier dhe Durrës pasi ka rrezik të lartë për përmbytje.

Lumi Vjosa ka kaluar nivelin e 9 metrave lartësi duke shkaktuar bllokimin e një rruge hyrëse në territorin e Bashkisë Selenicë, si dhe rrezikon përmbytjen e banesave në Novoselë dhe Ferras.

Sakaq edhe në njësinë Administrative Sukth dhe Katund i Ri në Durrës rrezikohet përmbytja e banesave, pasi prurjet e lumit Erzen janë rritur ndjeshëm.

Ministria e Mbrojtjes sqaron se si pasojë e situatës së krijuar nga përmbytjet dhe rrezikut të menjëhershëm për jetën dhe shëndetin e qytetarëve, do të kryhet evakuimi i menjëhershëm i banorëve.

LEXO MË SHUMË

Kronikë

Regjistrohet viktima e parë nga moti i keq në vend

Regjistrohet viktima e parë nga moti i keq në vend. Një 54 vjeçar në Durrës u gjet në një kanal, ku dyshohet se është marrë nga rrjedha e fortë.

12:08 79 ditë më parë08.01.2026.

Autori

Politikë

Moti i keq, Rama publikon akset problematike: Shmangni lëvizjet e panevojshme

Kryeministri Rama ka reaguar në Facebook për situatën e krijuar nga moti i keq. Teksa informon për akset problematike, kreu i qeverisë iu kërkon qytetarëve të shmangin lëvizjet e panevojshme.

10:55 79 ditë më parë08.01.2026.

Autori

Aktualitet

Bllokohet rruga hyrëse për në Selenicë, lumi Vjosa del nga shtrati në disa pika

Një nga rrugët hyrëse për në Selenicë është bllokuar mëngjesin e sotëm për shkak të daljes nga shtrati të lumit Vjosa.

10:28 79 ditë më parë08.01.2026.

Autori

Agjencia Kombëtare e Mbrojtjes Civile, Prefektura e rrethit dhe Strukturat e Emergjencave Civile në bashkitë e Vlorës, Fierit dhe Durrësit janë ngarkuar me mbarëvajtjen e këtyre operacioneve.

“Sipas legjislacionit në fuqi, Kryetari i Bashkisë është autoriteti përgjegjës për urdhërimin e evakuimit në territorin e bashkisë. Në çdo rast, komunikimi dhe kërkesat për ndihmë duhet t’u drejtohen autoriteteve publike në terren. Prioritet në procesin e evakuimit kanë fëmijët, të moshuarit, personat me aftësi të kufizuara dhe familjet në zona të izoluara Transporti për evakuimin e banorëve do të sigurohet nga mjetet e Bashkisë, shërbimi i Mbrojtjes nga Zjarri dhe Shpëtimi (MZSH) dhe Forcat e Armatosura”, thuhet në njoftim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)