Mijëra hektarë tokë nën ujë, ja si paraqitet situata në vend pas ndryshimit të motit

Gjatë 24 orëve të fundit, vendi është përfshirë nga kushte të paqëndrueshme atmosferike, me rënie të ndjeshme të temperaturave dhe reshje të dendura, duke shkaktuar përmbytje, bllokime rrugore dhe rrëshqitje dherash në disa qarqe. Strukturat e Mbrojtjes Civile në nivel qendror dhe vendor janë angazhuar në terren për menaxhimin e situatës dhe minimizimin e pasojave.

Qarku Shkodër është ndër zonat më të prekura. Në Obot dhe Dajç, rritja e nivelit të lumit Buna dhe Drin si dhe e liqenit ka përmbytur rreth 500 hektarë tokë bujqësore, duke izoluar pjesërisht zonën e Obotit me ujë deri në 120 cm. Në Dajç, zona Urrelat-Shirq po përballet me përmbytje të madhe nga dalja e ujit nga kanalet kulluese, ndërsa po vazhdon tërheqja graduale e ujit.

LEXO MË SHUMË

Aktualitet

Rrëshqitja e dherave, bllokohet sërish rruga në Zallë-Dardhë

Shembjet nga shpati i malit shkaktuan paralizim në lëvizjen e njerëzve dhe të mjeteve për disa orë.

10:34 75 ditë më parë12.01.2026.

Autori

Aktualitet

KESH përditëson të dhënat për kaskadën e Drinit, ja prurjet në HEC-e

Koorporata Elektroenergjitike Shqiptarë përditëson të dhënat nga kaskadat e lumit Drin, të cilat fatmirësisht nuk kanë arritur kuotën maksimale.

10:15 75 ditë më parë12.01.2026.

Autori

Aktualitet

"Diell me dhëmbë", e hëna me mot të ftohtë dhe të kthjellët

Kjo e hënë ka nisur me temperatura të ulëta dhe me kthjellime. Sipas IGJEUM temperaturat janë nga -10 gradë Celcius më e ulëta në zonat malore deri në 5 gradë Celsius më e larta në vendet e ulëta dhe bregdet.

08:57 75 ditë më parë12.01.2026.

Autori

Në Lezhë, përmbytjet kanë prekur kryesisht tokat bujqësore, me rreth 1,200 hektarë nën ujë, kryesisht në Balldren dhe Zejmen. Në Kurbin, niveli i ujit ka shënuar rënie në zonat më problematike si Adriatik, Gjorm dhe Mamurras, ndërsa vijojnë verifikimet për dëmet në banesa, kultura bujqësore dhe evakuimi i bagëtive.

Vlora paraqitet me përmirësim gradual, niveli i ujit të lumit Vjosë në Novoselë ka nisur të bjerë, por situata mbetet nën monitorim. Në Selenicë vazhdojnë rrëshqitjet e tokës në Vajzë dhe disa akse rurale, ndërsa në Himarë, zona e Qafës së Vishës paraqet rrezik nga rënia e gurëve.

Në Korçë, rrëshqitje dherash dhe përmbytje janë regjistruar në Pogradec dhe Maliq, ku rreth 3,600 hektarë tokë bujqësore janë prekur, ndërsa situata është stabilizuar pas ndërhyrjeve. Në Devoll, çarja e argjinaturës së lumit Oshticë ka përmbytur rreth 270 hektarë tokë.

Gjirokastër paraqet problematika të shpërndara, rruga e Qafës së Çajupit mbetet e bllokuar, ndërsa evakuime të përkohshme janë kryer në Libohovë, Memaliaj, Përmet dhe Këlcyrë për shkak të rrëshqitjeve.

Forcat e Armatosura dhe strukturat civile janë të angazhuara në shpërndarjen e ndihmave, sigurimin e ujit të pijshëm dhe mbështetjen e banorëve në zonat e prekura.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)