“Jam palë, nuk e mbyll gojën”, Rama i përgjigjet Shoqatës së Gjyqtarëve për çështjen ‘Balluku’

Reagimi i Shoqatës së Gjyqtarëve në lidhje me çështjen “Balluku”, ku e cilëson si presion lëvizjen e kryeministrit Edi Rama për të çuar në Kushtetuese vendimin e GJKKO, i ka lënë shije të hidhur kreut të ekzekutivit.

Rama përmes një reagimi të publikuar në rrjetet sociale, shprehet se Shoqata e Gjyqtarëve me shumë gjasë nuk e di kuptimin e fjalës presion dhe u bën thirrje që të mos presin që shefi i qeverisë të mbyllë gojën duke mos reaguar në këtë rast.

“Shoqata e Gjyqtarëve ka bërë deklaratë për t’u ankuar për “presionin” tim ndaj Kushtetueses. Dy mundësi ka këtu: Ose nuk e dinë kuptimin e fjalës presion, sepse nuk i kam parë të ankohen për ca të tjerë, që prej vitesh u këndojnë librin e shtëpisë njerëzve të drejtësisë, ose e dinë që kur ankohen për mua, nuk u hyn gjemb në këmbë, sepse unë jam ai që kam 10 vjet që nuk luftoj me ta, po luftoj për ta – madje duke i përtypur në heshtje, si çështje të pavarësisë së shpallur botërisht me Reformën në Drejtësi, edhe jo pak “lajthitje” të dhimbshme të gjyqësorit, në dëm të lirive e të drejtave të njerëzve të këtij vendi dhe të interesave të këtij shteti. Mirëpo gabon shumë Shoqata e Gjyqtarëve, nëse pret që unë të mbyll gojën e të mos ndaj me publikun opinionin tim, as edhe kur jam vetë palë në një gjyq kushtetues, për shkak se funksioni që mbuloj, me votat e afro 1 milionë shqiptarëve, është goditur në pavarësinë e vet nga një prokuror e një gjykatës dhe rrezikon të gjymtohet për sot e për të ardhmen në shtyllën e vet kurrizore”, shkruan Rama.

LEXO MË SHUMË

Aktualitet

Rama çoi në Kushtetuese vendimin për Ballukun, Shoqata e Gjyqtarëve: Presion

Shoqata e Gjyqtarëve të Shqipërisë e ka cilësuar si presion vendimin e kryeministrit Rama për të çuar në Kushtetuese vendimin e GJKKO për zv.kryeministren Balluku. Sipas shoqatës, ndarja dhe balancimi i pushteteve është një nga parimet themelore të demokracisë.

09:29 2 ditë më parë09.12.2025.

Autori

Politikë

“S’ka betejë politike, as presion ndaj Kushtetueses”, Rama për rastin ‘Balluku’: Precedent kërcënues për demokracinë

Kërcënim për demokracinë e konsideron kryeministri Edi Rama vendimin e GJKKO për pezullimin nga detyra të zv/kryeministres, Belinda Balluku, e cila po hetohet nga SPAK nën dyshimin për përfshirje në abuzim me tendera.

09:58 4 ditë më parë07.12.2025.

Autori

Politikë

Pranohet ankimimi i qeverisë për Ballukun në Kushtetuese, Rama: Nuk është parë kurrë!

Në një kohë kur Gjykata Kushtetuese është mbledhur dhe pritet të marrë një vendim rreth shkarkimit të Belinda Ballukut nga detyra si ministre dhe zv.kryeministre me vendim të GJKKO-së, ka reaguar edhe kryeministri i Shqipërisë.

13:53 9 ditë më parë02.12.2025.

Autori

Në vijim kryeministrin nuk kursenë ironinë ndaj Shoqatës së Gjyqtarëve, duke ju kujtuar kërkesën për rritjen e pagave që kanë dorëzuar ata më parë në Kushtetuese.

Por Rama nënvizon në reagimin e tij se mbetet i hapur për të diskutuar me Shoqatën, mbi parimet e drejtësisë së re dhe për të punuar me ta për pavarësinë e gjyqësorit.

“Jo vetëm kaq, po Shoqata e Gjyqtarëve duhet ta dijë, që do të gabonte po kaq shumë sikur të priste heshtjen time për kërkesën e saj skandaloze dhe të përsëritur, ndaj Gjykatës Kushtetuese, për (ri)rritjen e pagave të gjyqtarëve me vendim gjykate, duke rrëmbyer kompetencat e qeverisë e të parlamentit. Heshtja ime herën e parë, përpara se sa të merrej ai vendim befasisht i turpshëm, nuk do të përsëritet këtë herë, kur me (ri)kërkesën në fjalë, shoqata e gjyqtarëve po tenton të marrë nga buxheti i shtetit, duke anashkaluar qeverinë dhe parlamentin, një rritje të re prej plot 1600 Eurosh – po po, 1600 Euro plus pagës aktuale – të pagave të magjistratëve e të këshilltarëve të tyre.

Në ndërkohë, unë dhe qeveria e shumica parlamentare që kam nderin të udhëheq, mirëpresim krahëhapur çdo komunikim institucional me shoqatën në fjalë, për të adresuar nevojat e sfidat e drejtësisë së re, ku parimi i shenjtë i pavarësisë së gjyqësorit, duhet mbrojtur me çdo kusht jo vetëm nga ndërhyrjet e jashtme të kujtdoqoftë, përfshirë dhe mua vetë, po edhe nga krimbi i brendshëm i papërgjegjshmërisë së gjyqtarëve, i cili bren përditë besimin e popullit tek drejtësia”, shkruan më tej kreu i ekzekutivit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)