“Edhe bukën na e zunë në grykë”, Lapaj reagon pasi policia tentoi t’u hiqte çadrat te Kryeministria

Protesta e organizuar nga “Shqipëria Bëhet” para Kryeministrisë ka përshkallëzuar tensionet mes qytetarëve dhe policisë, pas disa ditësh që grupi kërkon dorëheqjen e qeverisë për shkak të skandalit “Balluku” dhe jo vetëm. Aktivistët kanë zgjedhur një formë të pazakontë të protestës, duke vendosur çadra dhe karrige në trotuar.

Mbrëmjen e sotme, Policia e Tiranës ndërhyri për të dytën herë, duke hequr çadrat që konsideroheshin si zaptim i hapësirës publike. Kryetari i “Shqipëria Bëhet”, Adriatik Lapaj, dhe mbështetësit e tij rezistuan, duke krijuar përplasje me efektivët. Qytetarët pretendonin se nuk kishin shkelur ligjin dhe se liria e protestës është e garantuar nga Kushtetuta.

Në momentin që po ndërhynte policia, Lapaj dhe disa prej qytetarëve ishin duke ngrënë bukë dhe për këtë ka reaguar edhe kreu i “Shqipëria Bëhet”. “Edhe bukën na e zunë në grykë”, shkruan Lapaj në Facebook, aty ku ka shpërndarë edhe pamje.

Aktivistët kanë insistuar që çadrat të mbeten, si simbol i pakënaqësisë dhe i kërkesës për dorëheqjen e qeverisë, ndërsa policia ka vazhduar ndërhyrjen për të rivendosur rendin.

Lexo më shumë

Aktualitet

Protesta para Kryeministrisë, policia procedon Adriatik Lapajn

Kreu i Lëvizjes "Shqipëria Bëhet", Adriatik Lapaj është proceduar penalisht nga policia pas nisjes së protestës para Kryeminsitrisë ku kërkon dorëheqjen e kryeministrit Edi Rama.

12:46 108 ditë më parë10.12.2025.

Autori

Politikë

Më shumë karrige, më shumë njerëz, Adriatik Lapaj jo më i vetëm para Kryeministrisë

Adriatik Lapaj vijon protestën e tij para Kryeministrisë në natën e dytën, këtë herë i shoqëruar nga dhjetëra qytetarë.

20:41 109 ditë më parë09.12.2025.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)