Kërkohej nga e gjithë Europa, bosi hungarez i drogës punonte si shofer taksie në Meksikë

Trafikanti më i kërkuar hungarez i drogës V. Janos, i cili është në listën e personave më të kërkuar në Bashkimin Evropian dhe në 2020 ishte dënuar me gjashtë vjet burg për trafik droge, u gjet nga policia në Meksikë.

49-vjeçari u arrestua më 18 prill dhe më pas u transferua në Hungari. Aktakuza thotë se midis viteve 2014 dhe 2015 në Hungari , ai udhëhoqi një grup të organizuar kriminal që trafikonte kokainë dhe drogën sintetike MDMA, përfshirë anëtarë të familjes së tij, të cilët gjithashtu morën pjesë aktive në aktivitete kriminale.

Sipas raportimeve, pas shpalljes së vendimit të vitit 2020, burri u zhduk dhe nuk u fut në burg, prandaj u lëshua fillimisht një urdhër arresti vendas dhe më pas një urdhër arresti evropian dhe ndërkombëtar për të. Për shkak të seriozitetit të krimeve, ai u përfshi në listën e personave më të kërkuar në Bashkimin Evropian.

Si pjesë e kërkimit të të arratisurve, Byroja Kombëtare e Hetimit për Detyra Speciale mblodhi informacione se burri mund të fshihej në Meksikë, të cilat u konfirmuan më vonë.

Sipas raportit, i dyshuari punonte si shofer taksie  në shtetin meksikan Quintana Roo dhe autoritetet meksikane kryen arrestimin e tij më 18 prill në Cancun.

Duke qenë se ai po qëndronte në Meksikë me një emër të rremë, duke shkelur rregulloret e imigracionit dhe se është një nga të arratisurit më të rrezikshëm në BE, autoritetet urdhëruan deportimin e tij të menjëhershëm dhe ai u transferua në Hungari të martën. Janos u dërgua në burgun kryesor në Budapest, ku do të vuajë dënimin përkatës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)