Liderit të tempullit si mban stomaku, i vjell presidentit në xhaketë gjatë një ceremonie

Një ceremoni për Vitin e Ri Hënor në Tajvan u ndërpre papritur pas një incidenti të pazakontë që përfshiu presidentin Lai Ching-te dhe një zyrtar lokal të tempullit.

Ngjarja ndodhi gjatë një aktiviteti publik, ku presidenti po merrte pjesë krah për krah me drejtuesin e Tempullit Martial të Riteve të Sakrificës, Lin Pei-huo.

Sipas pamjeve të shpërndara në media, Lin filloi të shfaqte shenja shqetësimi teksa qëndronte në skenë pranë personaliteteve të tjera. Ai mbylli sytë disa herë, u lëkund lehtë dhe u përpoq të mbulonte gojën me dorë, por përfundoi duke vjellë, ndërsa një pjesë e spërkatjes preku edhe shpatullën e presidentit.

Pas incidentit, Lin u mbështet në një tavolinë aty pranë, ndërsa ndihmësit ndërhynë menjëherë për ta ndihmuar. Presidenti Lai, i cili ka formim si mjek para se të hynte në politikë, reagoi duke ofruar ndihmë dhe duke koordinuar masat e para, ndërsa ceremonia u pezullua përkohësisht.

Më vonë, Lai bëri të ditur se disa anëtarë të familjes së Linit kishin qenë të infektuar me norovirus dhe se gjendja e tij ishte stabilizuar. Edhe vetë Lin kërkoi falje për ndërprerjen, duke e cilësuar situatën si të papritur dhe të pashmangshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)