“Oh Zot, sa turp!” U bë “tapë” në ditën e dasmës, nusja përfundon pa ndjenja në ambulancë

Një dasmë që duhej të ishte dita më e lumtur e jetës së saj, përfundoi me një incident të pazakontë për një nuse 31-vjeçare në Britani, e cila humbi ndjenjat nga konsumimi i tepërt i alkoolit.

Danielle Crowther, nënë e një fëmije, u martua më 3 prill me partnerin e saj Lewis, pas një ceremonie që nisi normalisht në Kent. Por gjatë festës, situata mori një kthesë të papritur. Ajo rrëfen se, për shkak të ankthit, nuk kishte ngrënë gjatë përgatitjeve, ndërsa gjatë mbrëmjes i ofroheshin vazhdimisht pije të ndryshme.

Foto nga web

“Gjatë pritjes më jepnin vazhdimisht pije dhe u ula pranë fëmijës tim dhe thjesht ika”, ndërsa shtoi se kishte konsumuar shumë lloje alkooli njëherësh. “Kam përzier shumë gjëra, duhej t’i përmbahesha një pijeje të vetme”, pranoi ajo.

Në fund të mbrëmjes, nusja humbi ndjenjat, duke detyruar bashkëshortin të thërriste ambulancën. “Burri im thirri ambulancën. Nuk mbaj mend asgjë nga ajo që ndodhi”, u shpreh ajo. Mjekët konstatuan se ajo ishte thjesht e dehur dhe nuk ishte e nevojshme të transportohej në spital.

Pamjet e incidentit u shpërndanë në rrjete sociale, ku nusja shihej pa ndjenja në ambulancë ende me fustanin e bardhë. “Oh Zot, sa turp”, reagoi ajo më pas.

Foto nga web

Pavarësisht sikletit fillestar, Danielle thotë se tani e sheh me humor situatën dhe thekson se nuk ia prishi dasmën. Ajo u bën thirrje nuseve të ardhshme të mos konsumojnë alkool pa ngrënë, duke theksuar se stresi i ditës së madhe ndikoi në gjendjen e saj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)