Bujqësia në Shqipëri, Rama me fermerët në Dibër: Kooperativa në stilin e BE-së

Kryeministri Edi Rama, së bashku me ministrin e Bujqësisë, Andis Salla ka zhvilluar një takim me fermerët në Dibër në kuadër të turit “Punët e Shqipërisë”. Aty foli për organizimin e ri të prodhuesve bujqësorë në Shqipëri.

Rama u shpreh se modeli i ri i bashkimit të fermerëve, të quajtur “Shoqëri të Bashkuara Bujqësore”, do të ngjajë me kooperativat e Bashkimit Europian dhe jo me ato të kohës së komunizmit në vend. Sipas tij, ideja është që fermerët të ruajnë prodhimin individual, por të bashkohen në fazat e rëndësishme si blerja e inputeve, përpunimi, ambalazhimi dhe shitja, duke ulur kostot dhe rritur fuqinë në treg.

“Secili prodhon më vete, por bashkimi krijon volum më të madh dhe mundësi më të mira shitjeje. Bëhet fjalë për bashkëpunim në mbjellje, punim toke, përkujdesje dhe tregtim”, u shpreh Rama. Ai theksoi se modeli i ri synon të shmangë “traumën e së kaluarës”, duke mos u quajtur kooperativa, por Shoqëri të Bashkuara Bujqësore (SHBB), të mbështetura financiarisht dhe institucionalisht nga shteti dhe bashkitë.

Foto: Edi Rama/Facebook

“Duhet të bashkohemi, sepse ndryshe nuk përballojmë integrimin europian. Ku do t’i shesim produktet, me çanta në rrugët e Brukselit?”, tha kryeministri. Rama shtoi me humor se i propozoi një prej grupeve lokale emrin “Dibra United” si Manchesteri, por ata kishin gjetur emrin “Dibra Origin”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)