Rregullat e reja për hapësirat publike: Bizneset vetëm 30% të trotuareve, 80% e plazheve private

Qeveria ka miratuar rregulla të reja dhe të unifikuara për përdorimin e hapësirave publike. Ky vendim vjen në vijim të operacionit për lirimin e tyre, të nisur në korrik të vitit të kaluar. Sipas rregullores së re, për trotuaret me gjerësi deri në 2 metra, 70% e sipërfaqes duhet të lirohet për këmbësorët.

Kjo bën që vetëm 30% mund të përdoret nga bizneset për vendosjen e tavolinave dhe karrigeve. Një tjetër detyrim i ri parashikon, që për çdo karrige të vendosur në trotuar bizneset duhet të mbjellin një pemë në qytet, në bazë të një kontrate me bashkinë.

Ndryshime ka edhe për hapësirat publike në zonat bregdetare. Rregullorja përcakton se dizajni dhe ngjyrat e çadrave në plazhe duhet të miratohen nga bashkitë përkatëse, duke synuar një standardizim të pamjes. Po ashtu, përcaktohet edhe ndarja e hapësirës në plazhe: 80% do të shfrytëzohet nga subjektet private, ndërsa 20% do të mbetet hapësirë publike falas për qytetarët.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)