Dyshohet se është dhunuar, gjendet pajetë i moshuari në Korçë

Policia e Korçës ka nisur hetimet për vrasje pas gjetjes së një personi të pajetë në zonën e Bulgarecit.

02.04.2026. 12:41

Dyshohet se është dhunuar, gjendet pajetë i moshuari në Korçë

Një i moshuar është gjendur pajetë në ambientet e shtëpisë së tij, mëngjesin e së enjtes në Bulgarec të Korçës.

Pas verifikimeve të kryera, efektivët e policisë kanë gjetur shenja në trupin e 78 vjeçarit Gezim Vija, çka ngre dyshime se i moshuari mund të jetë dhunuar me sende të forta.

Paraprakisht ka nisur një hetim për vrasje, teksa forca të shumta policie kanë rrethuar banesën ku u gjet viktima dhe po punojnë për zbardhjen e ngjarjes.

Raportohet se po merren në pyetje komshinjtë dhe të afërmit e viktimës për të krijuar një pistë që mund të çojë në identifikimin e autorit.

Ende po bëhet këqyrja paraprake, ndërsa më e detajuar do të bëhet në morgun e spitalit të Korçës nga ekspertët.

Shkarkoni aplikacionin Newsmax Balkans:

Komente (0)