Tension në Kuvendin e Kosovës, deputetet ndërpresin fjalën kryeministrit Albin Kurti

Deputetja e Partisë Demokratike të Kosovës, Ganimete Musliu i hoqi mikrofonin, deputetja e PDK-së, Arbnore Salihu ia hoqi flamurin kombëtar nga foltorja.

03.04.2026. 19:49

Tension në Kuvendin e Kosovës, deputetet ndërpresin fjalën kryeministrit Albin Kurti

Debate dhe momente tensioni u regjistruan në Kuvendin e Kosovës, në seancën e jashtëzakonshme për krizën e naftës. Kryeministri Albin Kurti është kthyer në Kuvend dhe nga foltorja deklaroi se shteti do të humbasë 10 milionë euro në muaj nëse vendoset ulja e akcizës.

Por, gjatë fjalimit të kryeministrit, disa deputetë ndërhynë duke e ndërprerë. Deputetja e Partisë Demokratike të Kosovës, Ganimete Musliu i hoqi mikrofonin Kurtit ndërsa ai po fliste. Ajo kërkoi që kryeministri të përqendrohej në temën për të cilën ishin mbledhur dhe të thërriste kabinetin qeveritar për sqarime.

“A ka mundësi të kthehesh në temë kryeministër, sepse i ke pasur katër vjet për të qeverisur dhe nuk ke realizuar asnjë projekt. Kthehu në temë e mos na shit përralla. Thirre kabinetin qeveritar këtu dhe mbajeni rendin. Kryeministër kthehu në temë”, tha Musliu.

Foto ilustruese

Gjatë përplasjes, deputetja tjetër e PDK-së, Arbnore Salihu ia hoqi flamurin kombëtar nga foltorja, duke rritur tensionin në sallë. Pas incidentit, Kurti bëri thirrje për ruajtjen e qetësisë institucionale dhe kujdesin e deputetëve në përfaqësimin e qytetarëve.

Shkarkoni aplikacionin Newsmax Balkans:

Komente (0)