“Lufta” SHBA-Kinë për një kabull në fund të detit

Shtetet e Bashkuara të Amerikës po forcojnë ndikimin e tyre në infrastrukturën digjitale globale, duke shtyrë përpara një projekt strategjik që mund të ndryshojë balancat në komunikimet ndërkombëtare.

Bëhet fjalë për kabllon nëndetare “Humboldt”, një iniciativë e mbështetur nga SHBA, që synon të lidhë Amerikën e Jugut me Oqeaninë përmes një rrjeti të ri të fibrës optike. Projekti parashikon ndërtimin e një kablloje rreth 14.800 kilometra të gjatë, që do të lidhë qytetin e Valparaisos në Kili me Sidnejn në Australi, duke krijuar një korridor të ri digjital në Paqësorin Jugor.

Kjo infrastrukturë pritet të rrisë ndjeshëm kapacitetet e transmetimit të të dhënave dhe të pozicionojë Kilin si një nyje kyçe teknologjike në rajon. Në një kohë kur rreth 99% e trafikut global të internetit kalon përmes kabllove nëndetare dhe vetëm një pjesë shumë e vogël përmes satelitëve, projekte të tilla marrin rëndësi të jashtëzakonshme strategjike.

Zhvillimi i këtij projekti vjen në një moment rivaliteti të fortë mes SHBA-së dhe Kinës për kontrollin e rrjeteve digjitale. Alternativa kineze, e njohur si “Chile-China Express”, që synonte të lidhte Kilin me Hong Kongun, duket se ka humbur terren për shkak të tensioneve politike dhe presionit ndërkombëtar.

Qeveria kiliane ka shprehur mbështetje për projektin e lidhur me kapitalin amerikan, i cili do të zhvillohet në bashkëpunim me kompaninë teknologjike Google. Kablloja pritet të hyjë në funksion në vitin 2028 dhe të ketë një jetëgjatësi prej disa dekadash.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)