Spanja mbyll hapësirën ajrore për avionët amerikanë të përfshirë në luftën me Iranin

Spanja ka ndërmarrë një hap të fortë politik dhe ushtarak duke mbyllur hapësirën ajrore për avionët amerikanë të përfshirë në operacionet kundër Iranit, duke thelluar ndarjet mes aleatëve perëndimorë për këtë konflikt.

Ministrja e Mbrojtjes, Margarita Robles, deklaroi se Madridi nuk autorizon as përdorimin e bazave ushtarake dhe as kalimin në hapësirën ajrore për veprime që lidhen me luftën në Iran. Vendimi u raportua fillimisht nga El País, duke cituar burime ushtarake, shkruan Newsmax.

Sipas autoriteteve spanjolle, ky kufizim do të detyrojë avionët ushtarakë amerikanë të shmangin territorin e Spanjës gjatë fluturimeve drejt Lindjes së Mesme, ndërsa përjashtim bëjnë vetëm situatat emergjente.

Ministri i Ekonomisë, Carlos Cuerpo, theksoi se vendimi lidhet me qëndrimin e qeverisë për të mos u përfshirë në një konflikt që, sipas saj, është nisur në mënyrë të njëanshme dhe në kundërshtim me të drejtën ndërkombëtare.

Edhe kryeministri Pedro Sánchez ka qenë ndër kritikët më të ashpër të sulmeve të SHBA-së dhe Izraelit ndaj Iranit, duke i cilësuar ato si të papërgjegjshme dhe të paligjshme.

Ndërkohë, presidenti amerikan Donald Trump ka reaguar duke kërcënuar me masa tregtare ndaj Spanjës, për shkak të refuzimit për të lejuar përdorimin e bazave ushtarake dhe hapësirës ajrore.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)