Zbulohet bakteri i parë “zombi”, jeton në ADN-në e një specie tjetër

Një arritje e rëndësishme në fushën e biologjisë sintetike është realizuar nga shkencëtarët në SHBA, të cilët kanë krijuar për herë të parë një bakter të quajtur “zombie”, duke i zëvendësuar ADN-në me atë të një specieje tjetër.

Eksperimenti është zhvilluar nga ekipi i Craig Venter në J. Craig Venter Institute në Kaliforni dhe është publikuar paraprakisht në platformën shkencore bioRxiv. Ky studim përfaqëson një hap të madh përpara, pasi për herë të parë ADN-ja e një specieje tjetër është transplantuar me sukses në një bakter, duke e “ringjallur” atë me funksione të reja.

Deri më tani, modifikimet gjenetike te bakteret janë bërë vetëm brenda së njëjtës specie. Ky zhvillim i ri hap rrugën për krijimin e mikroorganizmave që mund të përdoren si “fabrika biologjike” për prodhimin e barnave, biokarburanteve apo substancave të tjera të dobishme.

Shkencëtarët kanë përdorur një metodë inovative duke krijuar baktere që nuk mund të riprodhohen, duke i bërë ato të “destinuara për të vdekur”, por më pas i rikthejnë në funksion përmes ADN-së së re. Këto qeliza janë quajtur “baktere zombie”.

Sipas studiuesve, ky eksperiment është vazhdim i përpjekjeve që kanë nisur mbi 15 vite më parë, kur u krijua qeliza e parë sintetike. Në të ardhmen, teknika mund të përdoret për të testuar genome të dizajnuara me ndihmën e inteligjencës artificiale, duke hapur horizonte të reja në shkencë dhe industri

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)