Iranianët mbushin sheshet për 40-ditëshin e Khameneit, parada edhe si “fitore” ndaj Amerikës

Armëpushimi dy javor me SHBA-të dhe Izraelin, i arritur falë ndërmjetësimit të Pakistanit, po festohet si fitore nga regjimi Iranian, teksa një paradë e madhe me mijëra pjesëmarrës mbushi rrugët e Teheranit.

Mijëra iranianë u mblodhën në rrugët e Teheranit dhe qytetet e tjera të vendit për të përkujtuar vdekjen e ish-udhëheqësit suprem Ali Khamenei ndërsa armëpushimi ka dhënë sinjalet e para të krisjes.

Mbështetësit e Khameneit mbanin portrete të udhëheqësit të tyre të ndjerë dhe valëvitnin flamujt e republikës islamike, më shumë se një muaj pasi ai vdiq në sulmin e SHBA-Izrael më 28 shkurt.

Foto: AP/Vahid Salemi

Festimi shënon një periudhë zie 40-ditore, një rit i rëndësishëm kalimi për myslimanët, që nga vdekja e ish-udhëheqësit.

Një tubim i madh u zhvillua në kryeqytetin Teheran, ku sulmet kanë pushuar që kur armëpushimi i brishtë hyri në fuqi të martën në mbrëmje, si dhe në qytetin veriperëndimor të Urmisë dhe në verilindje të Gorganit.

Khamnei 86 vjeçar, pasi kishte udhëhequr republikën islamike për më shumë se 36 vjet, u vra në një sulm më 28 shkurt. Sulmi shënoi fillimin e një konflikti që më pas përfshiu të gjithë Lindjen e Mesme, me Iranin që u hakmor me sulme me raketa dhe dronë ndaj Izraelit dhe vendeve të Gjirit që i akuzon se shërbejnë si pika nisjeje për sulmet amerikane.

Foto: AP/Vahid Salemi

Një funeral shtetëror për Khamenein u njoftua fillimisht, por në fund të fundit nuk mund të mbahej për shkak të luftës. Djali i tij Mojtaba, i cili e pasoi atë në fillim të marsit, nuk ishte i pranishëm në paradën në Teheran, pasi ai u plagos në një sulm, sipas zyrtarëve iranianë, dhe ende nuk është shfaqur në publik që nga emërimi i tij.

Presidenti iranian Masoud Pezeshkian mori pjesë në homazhe dhe pozoi për foto me të pranishmit, sipas imazheve të transmetuara në televizionin shtetëror. Homazhet kombëtare nisën në orën 9:40 të mëngjesit, në të njëjtën kohë kur sulmet vranë Khamenein në rezidencën e tij në Teheran së bashku me dhjetëra oficerë dhe zyrtarë të lartë.

Disa iranianë që morën pjesë në paradën përkujtimore pretenduan se marrëveshja e një armëpushimi midis Iranit dhe SHBA-së dhe Izraelit shënoi një 'fitore' për regjimin.

Foto: AP/Vahid Salemi

“Udhëheqësi është gjallë, ai gjithmonë lutet për ne dhe po na shikon të gjithëve tani, dhe fitorja është padyshim e jona”, tha Nastaran Safaie, një studente 24-vjeçare që mori pjesë në marshimin përkujtimor në Teheran.

Një person që mori pjesë në marshim, i quajtur Esmaeili, tha se ka pak shpresë për negociatat që priten të zhvillohen para fundit të javës në Pakistan, duke akuzuar amerikanët se po veprojnë me keqbesim.

"Ajo që thonë ata për armëpushimin dhe shkeljen e tij është një përsëritje e histories. Duhet të jetë një mësim për popullin e nderuar të Iranit që të mos mashtrohet nga premtimet boshe të vendeve hipokrite", tha ajo.

Të tjerë si Mahdi Mohaddes, një inxhinier 41-vjeçar, mbështetën mendimin e saj. "Shpresoj që bisedimet të mos ndodhin. Nëse do të isha në vendin e zyrtarëve, do ta rishqyrtoja dhe nuk do të merrja pjesë në këto negociata", tha ai.

Ndërkohë, Mohammad Hossein Bonakdar, i rrethuar nga flamuj të Hezbollahut, tha se lëvizja aleate në Liban u ka dhënë "jetën dhe gjakun e saj" iranianëve.

Foto: AP/Vahid Salemi

"Të gjithë janë shumë të mërzitur dhe të trishtuar dhe presin që të merren masa të përshtatshme. Tani është detyra jonë të veprojmë në përgjigje të këtij agresioni. Por në fund të fundit, çdo vendim që shpall udhëheqja e revolucionit është i detyrueshëm dhe ne do t'i bindemi", tha ai.

Më shumë se një ditë që nga arritja e marrëveshjejes për të ndaluar sulmet për dy javë, duket se gjithçka është në prag të kolapsit, me mosmarrëveshje të mëdha midis SHBA-ve, Izraelit, pasi Irani pretendon se armëpushimi përfshin edhe Libanin, ndërsa Benjamin Netanjahu ka nisur një pushtim të madh tokësor dhe ajror.

Të mërkurën, Izraeli intensifikoi fushatën e tij të bombardimeve mbi Liban, duke vrarë 182 persona, ndërsa pretendoi se goditi më shumë se 100 pika të Hezbollahut në disa nga sulmet më të rënda të luftës deri më tani.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)