“Asnjë nuk i bën 80 vota”, Kurti paralajmëron zgjedhje pa fund nëse nuk zgjidhet presidenti

Kryeministri i Kosovës, Albin Kurti deklaroi se vendi mund të mbajë zgjedhje të njëpasnjëshme nëse partitë politike nuk arrijnë konsensusin për zgjedhjen e presidentit të ri, afati kushtetues i të cilit përfundon pak pas ditësh.

Në një deklaratë për mediat, kreu i qeverisë shtoi se sido që të mbahen zgjedhjet, asnjë orej subjekteve nuk do të mundet të arrijë i vetëm 80 mandate dhe për këtë arsye nuk ka rrugë tjetër përveç një akordi me palëve.

Kurti shtoi se mbajtja e zgjedhjeve të reja gjithashtu do t’iu kushtojë qytetarëve të Kosovës miliona euro nga buxheti i shtetit.

“Nëse shkojmë në zgjedhje të reja, nuk do të kemi zgjidhje, meqenëse sërish do të na duhet të shkojmë në zgjedhje të reja, e pas atyre sërish do të na duhet të shkojmë në zgjedhje të reja. Unë nuk e di se si mund t’i kemi 80 deputetë, prandaj është e domosdoshme të merremi vesh”, tha Kurti.

Sipas Kushtetutës së Kosovës, presidenti i ri zgjidhet me dy të tretat e votave në dy raundet e para të votimit dhe me 61 vota në raundin e tretë, por me kushtin që në momentin e votimit në sallë të jenë të pranishëm 80 deputetë.

Ditën e djeshme, kreu i VV zhvilloi takime me krerët e partive opozitare, të cilëve iu ofroi bashkëqeverisje në këmbim të presidencës, gjë e cila nuk u pranua prej tyre.

Afati kushtetues për zgjedhjen e presidentit skadon më 28 prill dhe nëse deri atëherë nuk zgjidhet një president, Kosova do të mbajë zgjedhje të reja brenda 45 ditësh.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)