I mituri hyn me shotgun në shkollë, vret një nxënës dhe plagos 8 të tjerë

Një ngjarje e rëndë ka tronditur Argjentinën, ku një adoleshent 15-vjeçar qëlloi me armë zjarri brenda një shkolle, duke shkaktuar një viktimë dhe disa të plagosur.

Sipas autoriteteve, incidenti ndodhi në shkollën “Mariano Moreno”, në qytetin San Cristobal. Autori i dyshuar, një nxënës i mitur, u arrestua menjëherë pas sulmit nga forcat e rendit.

Nga të shtënat mbeti i vrarë një nxënës, ndërsa 8 persona të tjerë u plagosën. Autoritetet bënë të ditur se 6 prej të plagosurve pësuan lëndime të lehta gjatë përpjekjeve për t’u larguar nga vendngjarja dhe janë jashtë rrezikut për jetën. Ndërkohë, dy nxënës të tjerë u transportuan në spital, ku njëri ndodhet në gjendje të rëndë, por të qëndrueshme.

Sipas zyrtarëve lokalë, arma e përdorur në këtë ngjarje dyshohet të ketë qenë një armë gjahu shotgun. Ngjarja ndodhi në një moment kur nxënësit po përgatiteshin për ceremoninë e përditshme të ngritjes së flamurit, një ritual i zakonshëm para fillimit të mësimit.

Pas incidentit, mësimi u ndërpre dhe të gjithë nxënësit u dërguan në shtëpi, ndërsa autoritetet kanë nisur hetimet për të zbardhur plotësisht rrethanat dhe motivet e kësaj ngjarjeje tragjike, e cila konsiderohet e rrallë për vendin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)